Вакансия «Кассанын башчысы»

Закрытое акционерное общество «Асман Банк»

Аймак/Шаар

г. Бишкек

Иштин түрү

Толук эмес

Биз банктын кассалык операцияларынын ишенимдүүлүгүн жана үзгүлтүксүз жүргүзүлүшүн камсыздай турган жоопкерчиликтүү Кассанын башчысын издейбиз.
Эгер сиз майда-чүйдөсүнө кылдат болуп, кассалык бөлүмдүн ишин натыйжалуу уюштура билсеңиз жана заманбап Банктын командасынын бир бөлүгү болууга даяр болсоңуз — сизди биздин катардан көрүүгө кубанычтабыз.

Сиздин негизги милдеттериңиз:

Банктын кардарларын кассалык тейлөөдө сапаттуу кызмат көрсөтүүнү уюштуруу;
Кассанын кызматкерлери тарабынан банктык мыйзамдарды жана Банктын ички ченемдик документтерин так сактоону камсыз кылуу;
Кардарларды тейлөө, эсептерден каражат алуу жана кошуу, банкноттарды алмаштыруу жана айырбаштоо боюнча консультация берүү;
Туура таризделген кассалык документтерди кабыл алуу жана алардын коопсуздугун камсыз кылуу;
Кардарларды идентификациялоо жана верификациялоо жүргүзүү;
Кассалык тартипке ылайык иш алып баруу;
Кассалык лимиттерди сактоо, ашыкча каражаттарды өз убагында тапшыруу жана кассаны толуктоо;
Кассалык документтерди түзүү, сактоо жана Банктын архивине өткөрүү.

Талаптар:

Жогорку билим (экономика жана финансы тармагында болгону артыкчылык);
Көз карандысыз окуу борборунун «Төлөм каражаттарынын түп нускасын аныктоо» боюнча 1- жана 2-деңгээлдеги сертификатынын болушу;
Каржы-кредиттик мекемелерде кассада кеминде 5 жылдык тажрыйба, анын ичинде кассанын башчысы катары кеминде 2 жыл;
Кыргыз, орус жана англис тилдерин билүү;
Акча каражаттары менен иштей билүү;
Кассирлердин ишин натыйжалуу уюштура билүү;
Кассалык документтердин бар-жогун жана туура таризделишин натыйжалуу көзөмөлдөө;
Кассалык операцияларга байланыштуу ченемдик актыларды, ички регламенттерди жана банктын нускамаларын билүү жана сактоо;
Акча каражаттарын көзөмөлдөө боюнча мыйзамдарды сактоо, анын ичинде акчаны адалдоого каршы аракеттенүү (AML);
Кассалык операцияларды талдоо, мүмкүн болгон каталарды же алдамчылыкты аныктоо;
Чынчылдык, ак ниеттүүлүк жана жоопкерчилик;
Уюштуруучулук жана лидерлик сапаттар, тапшырмаларды бөлүштүрүү, аткарылышын көзөмөлдөө жана башкаруу чечимдерин кабыл алуу жөндөмү;
Коммуникабельдүүлүк (кардарлар, кесиптештер жана жетекчилик менен натыйжалуу баарлашуу);
Кассалык операцияларды эсепке алуу жана акча каражаттарынын кыймылын көзөмөлдөө боюнча банктык программаларды билүү;
Отчеттуулукту жүргүзүү жана маалыматтарды талдоо программалары менен иштей билүү.

Шарттар:

Атаандаштыкка жөндөмдүү эмгек акы;
Достук мамиледеги жамаат жана жайлуу иш чөйрөсү.

Маалымат жаңыртылды: 06:03, 24.03.2026