Кыргызстанда орточо айлык акы 42 миң сомдон ашты

Расмий статистикага ылайык, бул өткөн жылдын ушул мезгилине салыштырмалуу 19,6%га көп.

Керектөө бааларынын индексин эске алуу менен реалдуу эмгек акы 11,5%га өскөн.

2025-жылдын биринчи жарым жылдыгында орточо айлык номиналдык чегерилген эмгек акынын өсүшү экономикалык ишмердүүлүктүн бардык түрлөрү боюнча белгиленди.

Эмгек акынын эң жогорку өсүшү төмөнкүлөрдө катталды:

• кыймылсыз мүлк менен операциялар - 40,3%га;
• курулуш - 39,4%га;
• административдик жана көмөкчү иш - 30,1%га;
• саламаттыкты сактоо жана социалдык тейлөө - 27,3%га;
• кесиптик, илимий жана техникалык ишмердүүлүк - 27,3%га;
• мейманканалар жана тойканалар – 26,2%га;
• мамлекеттик башкаруу, коргонуу жана милдеттүү социалдык камсыздоо - 24,2%га;
• финансылык ортомчулук жана камсыздандыруу - 22,9%га;
• башка кызмат көрсөтүүлөр - 21,3%га.

Ошентип, 2025-жылдын биринчи жарымында Кыргызстанда эмгек акынын реалдуу да, номиналдык да туруктуу өсүүсү байкалды.