Кыргызстандагы орточо айлык маяна 42,6 миң сомдон ашты

Бул тууралуу Улуттук статистика комитетинин төрагасынын биринчи орун басары Назира Керималиева брифингде билдирди.

Анын айтымында, 2024-жылдын ушул эле мезгилине салыштырмалуу эмгек акынын көлөмү 19,6 пайызга өскөн.

Эң көп айлык акынын жогорулашы төмөнкү тармактарда катталган: 

• кыймылсыз мүлк; 
• курулуш; 
• саламаттык сактоо; 
• маалымат жана байланыш; 
• социалдык тейлөө; 
• кесиптик, илимий жана техникалык ишмердүүлү; 
• мейманканалар жана ресторандар; 
• финансылык ортомчулук жана камсыздандыруу; 
• мамлекеттик башкаруу жана коргонуу; 
• мамлекеттик сатып алуулар жана тоо-кен казып алуу тармагы.

Эске салсак, буга чейин Улуттук статистикалык комитет 2025-жылдын январь-июль айларында орточо номиналдык эмгек акынын көлөмү 42 522 сомду түзгөнүн маалымдаган, бул калктын кирешесинин өсүшүнүн туруктуу оң динамикасын чагылдырат.