Биткоиндин баасы кескин өстү: крипторынокто эмне болуп жатат

Акыркы 24 саатта криптобиржалардагы жоюлган позициялардын көлөмү $3,3 млрддан ашты. Coinglass рейтингине ылайык, акыркы сутка крипторыноктун тарыхындагы бир сутка ичинде мажбурлап жабылган ири позициялардын көлөмү боюнча алдыңкы ондуктун катарына кирди.

Криптовалюталар рыногунун жалпы капиталдаштыруусу 9,9%га өсүп, $2,41 трлнго жетти. Бул дагы жайдын башынан берки эң жогорку көрсөткүч. Акыркы суткада криптовалюталар менен соода кылуунун көлөмү $138 млрдды түздү. Салыштыруу үчүн, августтун биринчи жарымында бул көрсөткүч $20–60 млрд диапазонунда болгон.

Крипторыноктун өсүшү кечээ кечинде АКШ президенти Дональд Трамптын криптовалюталарга байланыштуу жаңы билдирүүлөрүнөн кийин башталды. Ал Конгресс крипторынокту жөнгө салууга багытталган CLARITY Act мыйзам долбоорун жактырып, «кийинки кадамды жасоо керек» деп билдирди. Ошондой эле ал жөнгө салуучу органдарга Hyperliquid криптобиржасынын АКШ рыногуна чыгуу мүмкүнчүлүгүн карап чыгууну тапшырды.

Бул билдирүүлөрдөн кийин Hyperliquid (HYPE) токенинин баасы 23% өсүп, $72ге жетти жана тарыхый эң жогорку көрсөткүчүн дээрлик жаңылады. Учурда анын баасы июнда $76,85 деңгээлинде белгиленген рекорддук көрсөткүчтөн болжол менен 6%га төмөн соодаланууда.

Эске салсак, жыл башында биткоиндин баасы $60 миңден төмөн түшүп кеткен.