Финансылык жөнгө салуучу органдан билдиришкендей, КРнын Улуттук банкы укук коргоо органдары менен биргеликте накталай акча жүгүртүүдөгү жасалма каражаттан коргоо боюнча системалуу иштерди улантып келет. Банкноттордун коргоо элементтерин өз убагында жаңыртуу жана натыйжалуу маалыматтык-билим берүү бир катар тобокелдиктерди азайтты: Кыргызстанда жасалма акча жасоонун деңгээли өтө төмөн бойдон калууда — 1 миллион накта банкнотко 0,02 жасалма банкнот туура келет.
Алдын ала маалыматтар боюнча, 2025-жылы жалпы суммасы 8 600 сомду түзгөн 5 гана жасалма банкнот табылган. Укук коргоо органдары тарабынан жасалма акча жасоонун ар бир фактысы боюнча кылмыш иши козголуп, тергөө амалдары жүргүзүлүүдө.
Эске сала кетсек, 2024-жылы 18 миң сомдук жасалма банкноттордун саны 5 даананы түзгөн (2024-жылдын 9 айында республикада 10 миң сомдук 2 жасалма банкнот аныкталып, жүгүртүүдөн чыгарылган).
2023-жылы Улуттук банк жалпы суммасы 9500 сомду түзгөн 10 жасалма улуттук валютанын банкноттору табылганын билдирген.
2022-жылы жалпы суммасы 9500 сомду түзгөн 31 жасалма банкнот табылган.
2021-жылы жалпы суммасы 100 миң 500 сомду түзгөн 76 жасалма улуттук валюта табылган.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.