Кыргызстандын PMI көрсөткүчү Евробиримдикке, Улуу Британияга, Японияга жана Россияга караганда жогору

PMI - экономиканын абалын реалдуу убакыт режиминде баалоого мүмкүндүк берген эң маанилүү индикаторлордун бири болуп саналат жана анын жыйынтыктары ишкерлердин, аналитиктердин жана мамлекеттик органдардын чоң кызыгуусун жаратат.

Бул изилдөөгө өлкөнүн бардык аймактарынан чакан, орто жана ири бизнестерди өкүлчүлүк кылган 946 ишкер катышты. Респонденттердин 83% Талас, Баткен, Нарын, Жалал-Абад, Ысык-Көл, Чүй жана Ош облустарынан, ал эми 17% Бишкек жана Ош шаарларынан болду. Тармактык бөлүштүрүүдө айыл чарба (45%), соода (21%), кызмат көрсөтүү (16%), өнөр жай (8%), транспорт (5%) жана курулуш (5%) секторлору басымдуулук кылды.

PMI индекси алты негизги компонентке негизделет: жаңы буйрутмалар, өндүрүш, иш менен камсыз кылуу, жеткирүү мөөнөттөрү, кампа деңгээли жана каржылык шарттар. Индекстин 50 пункттан жогору болушу ишкердик активдүүлүгүнүн өсүшүн, 50дөн төмөн түшүүсү анын төмөндөшүн көрсөтөт.

2025-жылдын октябрь айынын жыйынтыгы боюнча PMI 58,5 пунктту түзүп, Кыргызстандын экономикасы оң динамиканы сактап жатканын жана өлкө жетекчилеринин ийгиликтүү экономикалык саясатын тастыктайт.

PMI индекси өлкөлөр боюнча көрсөткүчтөрү

Буга чейин - 2024-жылдын октябрь айында жана 2025-жылдын март айында – «КФ» ААКсы жана Кыргыз Республикасынын Финансы министрлиги тарабынан PMI индекси боюнча эки изилдөө жүргүзүлгөн.

PMI боюнча мурда жүргүзүлгөн изилдөөлөрдүн жыйынтыктары менен төмөнкү шилтемелер аркылуу таанышууга болот:

• Кыргызстанда ишкердик жигердүүлүктүн индекси Казакстан, Орусия, АКШ, Германия жана Сингапурга караганда жогору.
• Кепилдик фонду биринчи жолу ишкердик жигердүүлүк индексинин изилдөөсүнүн жыйынтыгын көрсөттү.