2025-жылы Кыргызстандын ИДПсы 1,9 трлн сомдон ашты

Бул тууралуу Улуттук статистикалык комитеттин төрагасы Бактыбек Кудайбергенов билдирди.

Анын айтымында, бул аралыкта өнөр жай продукциясынын көлөмү 799,7 млрд сомду түзүп, 2024-жылдын январь-декабрына салыштырмалуу 10,6%га көбөйдү. Бул өсүү бир катар негизги тармактарда өндүрүштүн өсүшү менен шартталган.

Тактап айтканда, төмөнкү өнөр жай тармактарында олуттуу кеңейүү катталган:

• фармацевтикалык продукциялар -  1,7 эсеге; 
• резина, пластмасса буюмдарын жана курулуш материалдарын өндүрүү -  35,7 пайызга; 
• жыгачтан жана кагаздан жасалган буюмдарды өндүрүүнүн, полиграфиялык ишмердүүлүк продукциялары -  30,5 пайызга; 
• тамак-аш азыктарын (суусундуктарды кошкондо) жана тамеки азыктарын өндүрүү - 30,1 пайызга; 
• химиялык продукциялар -  19,8 пайызга; пайдалуу кендерди казуу көлөмү -  14,2 пайызга.

Оң тенденциялар курулушта байкалды, мында көлөмдөрдүн көбөйүшү 21,1 пайызды, дүң жана чекене соода – 17,8 пайызды, ошондой эле айыл чарбасы – 2,2 пайызды түздү.

Улуттук статистикалык комитет, бул  көрсөткүчтөр 2025-жылдын аягына карата өлкөнүн экономикасынын негизги тармактарындагы туруктуу өсүүнү чагылдыраарын белгилейт.