Кыргызстанда бензин менен дизелдин баасы кескин жогорулады

Бул тууралуу Улуттук статистика комитети билдирди. 

Өлкө боюнча АИ-95 үлгүсүндөгү бензиндин орточо баасы литрине 106,30 сомго чейин жогорулады. Бул июнь айындагы орточо баадан (87,31 сом) дээрлик 19 сомго жогору. Учурда июль айындагы орточо баа литрине 92,73 сомду түзүүдө.

АИ-92 үлгүсүндөгү бензиндин баасы июндагы 80,39 сомдон литрине 85,21 сомго чейин жогорулады. Июль айындагы орточо баа 81,83 сомду түздү.

Дизель отунунун баасы да көтөрүлүп, июнь айындагы 93,80 сомдон литрине 98,52 сомго жетти. Июль айындагы орточо баа 95,33 сомду түздү.

21-июлда эң кымбат AI-95 үлгүсүндөгү күйүүчү май Нарын, Раззаков, Бишкек, Ош, Талас, Кара-Суу шаарларында жана Семетей айылында сатылды — литри 109,9 сомго чейинки баада.