Эмгек, социалдык камсыздоо жана миграция министрлигинен билдиришкендей, аталган программага катышуу үчүн үй-бүлөнүн аз камсыз болгон же жакыр үй-бүлө экендигин тастыктаган социалдык паспорту же «Үй-бүлөгө көмөк» мамлекеттик жөлөкпулун алуучу статусу, бизнес-планы жана мүлктүк потенциалы болушу керек.
Катышууга кызыкдар жарандар тиешелүү арыз менен жергиликтүү өз алдынча башкаруу органдарына же министрликтин аймактык бөлүмдөрүнө кайрыла алышат.
Арыздарды атайын комиссия карап чыгат. Социалдык контракт түзүлгөндөн кийин программанын катышуучуларына өз ишин баштоо үчүн 150 000 сом өлчөмүндө кайтарымсыз каражат берилет.
Программага катышуу ыктыярдуу негизде жүргүзүлөт
Мындан тышкары, жыл сайын 1 миң социалдык контракттын катышуучусуна 200 миң сомго чейин пайызсыз насыя алуу мүмкүнчүлүгү берилет, аны төлөө мөөнөтү 3 жылга чейин. Каражатты бизнесин же көмөкчү чарбасын кеңейтүү жана өнүктүрүүгө жумшоого болот.
Пайызсыз насыялар «АБанк» жана «Элдик Банк» ачык акционердик коомдору аркылуу берилет. Насыя алуу үчүн социалдык контракттын катышуучусу - банкка ишкердик ишмердүүлүгүн жүргүзүп жаткандыгын тастыктаган документти, ЖЧК же жеке ишкер катары катталгандыгы тууралуу документти же патентти көрсөтүүгө тийиш.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.