Кыргызстанда азык-түлүк жана кызмат көрсөтүүлөр кымбаттады

Мындай маалымат Улуттук статистика комитетинде өткөн брифингде айтылды.

Баарынан көп калкка көрсөтүлүүчү кызматтар - 10,1%га кымбаттаган. Ал эми алкоголдук ичимдиктер менен тамеки буюмдарынын баасы 7,1%га, азык-түлүк жана алкоголсуз суусундуктар 5,9%га, азык-түлүк эмес товарлар 5,1%га өскөн.

Азык-түлүктөрдүн ичинен жаңы мөмө-жемиштер, эт, тооктун жумурткасы, сүт азыктары, балык, кант, өсүмдүк жана сары май, ошондой эле ун бир топ  кымбаттаган.

Ошол эле учурда айрым азык-түлүктөрдүн баасы, тескерисинче, арзандаган. Жаңы жашылчаларга, картошкага, сүткө жана күрүчкө баанын төмөндөшү катталган.

Жыл башынан бери баалардын өсүшү Кыргызстандын бардык аймактарында байкалган. Эң жогорку өсүш Ош облусунда катталган. Ал жерде азык-түлүк, алкоголдук ичимдиктер жана тамеки буюмдары, азык-түлүк эмес товарлар жана кызмат көрсөтүүлөр кымбаттаган.

Буга чейин Кыргызстанда 2026-жылдын жыйынтыгы боюнча инфляция 14-15%ды түзүшү мүмкүн экени кабарланган. Бул мурда күтүлгөн 9%дык көрсөткүчтөн кыйла жогору.