Мекеме тамак-ашты өндүрүү, сатуу жана даярдоо менен алектенген объекттерди санитардык-эпидемиологиялык текшерүүдөн өткөрүүгө уруксат сурап жатат. Буга кафелер, тез тамактануучу жайлар, соода түйүндөрү жана коомдук тамактануу жайлары кирет.
Мекеменин маалыматы боюнча, Кыргызстанда 2025-жылы тамак-аштан 233 уулануу учуру катталып, 586 адам жабыркаган. Ботулизмден беш адам каза болгон.
2026-жылдын башынан бери тамак-аштан уулануу жана ботулизм боюнча 43 учур катталып, 124 адам жабыркаган.
Эске салсак, өлкөдө бизнести текшерүүгө киргизилген мораторий 2026-жылдын аягына чейин күчүндө.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.