Финансы министрлиги коммерциялык банктарга 3,7 млрд сом депозит жайгаштырды

Биржадан билдиришкендей, сооданын жыйынтыгында 36 айга 3,7 млрд сом депозит жайгаштырылган.

Аукциондун параметри: 

• канааттандырылган өтүнмөлөр үчүн минималдуу пайыздык чен: жылына 12,1%;
• максималдуу чен: жылына 12,5%;
• орточо салмактанып алынган чен: жылына 12,21%.

КФБ белгилегендей, узак мөөнөткө каражат тартуу банк секторунун ликвиддүүлүгүн жана өлкөнүн каржы системасынын туруктуулугун сактоого жардам берет.

Эскерте кетсек, буга чейин 17-сентябрда KФБ аянтчасында эсептен коммерциялык банктык депозиттерге акча каражаттарын жайгаштыруу боюнча биринчи аукцион өткөн.

Өтүнмөлөрдүн жалпы көлөмү 24 миллиард сомду түзүп, анын 20,3 миллиард сому ийгиликтүү жайгаштырылган.