Улуттук банк тигүү тармагын кайра каржылоонун жеңилдетилген шарттарын бекитти

Бул тууралуу финансылык жөнгө салуучу органдын басма сөз кызматы билдирди. 

КРнын банк системасынын натыйжалуулугун жана коопсуздугун камсыз кылуу максатында Улуттук банк токтом кылат: 

КРнын министрлер кабинети тарабынан бекитилген долбоорду ишке ашыруунун алкагында финансы-кредит уюмдары, төмөнкү шарттар аткарылган учурда, потенциалдуу жоготуулардын жана чыгым тартуулардын ордун жабууга 5% өлчөмүндө тиешелүү резерв түзүү менен кайра каржылоо максатында тигүү тармагындагы ишкердик субъекттерине жаңыдан берилген кредиттерди «байкоого алынган актив» категориясына классификациялоого укуктуу: 

• тигүү тармагындагы ишкердик субъекттери кеминде 12 ай иштесе, КРнын салык мыйзамдарына ылайык иштеп, салык жана камсыздандыруу төгүмдөрү боюнча аткарылбаган милдеттенмелери жок болсо;
• эсептөөлөр документ менен тастыкталып, карыз алуучунун финансылык абалына кылдат талдоо жүргүзүлсө (тиешелүү эсептөөлөр, финансылык көрсөткүчтөр менен); 
• финансы-кредит уюму карыз алуучуга төлөөлөрдүжаңы графикке ылайык төлөө мүмкүнчүлүгүн бериши мүмкүн болсо (такталган, документ менен тастыкталган финансылык маалыматтардын негизинде);
• негизги карызды төлөө боюнча жеңилдик берилген мезгил аралыгы 6 айдан ашпаса;
• акыркы реструктуризациялоодон 1 жылдан ашык убакыт өтсө. 

Жогоруда көрсөтүлгөн кайра каржыланган кредит боюнча мөөнөтүндө төлөнбөгөн карыз аныкталган учурда, финансы-кредит уюму төмөнкү классификацияны колдонууга тийиш: 

Токтом расмий жарыяланган күндөн тартып күчүнө кирет жана 2027-жылдын 1-апрелине чейин колдонулат.