Кийинки окуу жылынан тарта студенттер мамлекеттен 43 миң сомдон алышат

Документке ылайык, биринчи этапта программага 4 000 студент катышат. Мамлекет алардын ар бирине 10 ай бою айына 2 500 сомдон төлөп, авиабилеттерге жылына 18 миң сомдон бөлөт.

Орточо эсеп менен бир студентке көрсөтүлө турган колдоонун көлөмү жылына 43 миң сомду түзөт.

Катышуучулардын саны көбөйгөн сайын чыгымдар да өсөт:

• 2027/28 — 172 млн сом;
• 2028/29 — 344 млн сом;
• 2029/30 — 516 млн сом;
• 2030/31 — 688 млн сом.

Муну менен катар мамлекеттик билим берүү гранттарынын болжол менен 40%ы аймактардын кадрларга болгон муктаждыгын эске алуу менен бөлүштүрүлөт.

Дагы бир ири чыгым - жатаканалар. 2027–2031-жылдары студенттер үчүн турак жайларды курууга жана реконструкциялоого болжол менен 25,6 млрд сом талап кылынат. Жалпысынан 24 720 орун түзүү пландалууда.