Кыргызстанда кайсы аймактар көбүрөөк инвестиция тартты: статистика

Бул тууралуу минкаб төрагасы Адылбек Касымалиев билдирди. 

Инвесторлор үчүн эң жагымдуу секторлор болуп маалымат жана байланыш, саламаттыкты сактоо жана социалдык тейлөө, транспорт жана жүктөрдү сактоо, тоо-кен казып алуу жана кайра иштетүү өнөр жайы болгон.

Региондук жактан алганда Жалал-Абад облусу 2025-жылы тике чет өлкөлүк инвестицияларды тартуу боюнча лидер болуп, дээрлик 420 млн АКШ долларын алып, республикага тике чет өлкөлүк инвестициялардын жалпы агымынын 32%ын түздү. Андан кийин Бишкек шаары 401,3 млн доллар жана 228,4 млн доллар менен Чүй облусу экинчи жана үчүнчү орундарды ээледи.

Инвестициялык жигердүүлүктүн жогорку өсүш темпи Нарын облусунда да байкалып, көрсөткүчтөр 9,6 эсеге, Ысык-Көл облусунда 4,2 эсеге өскөн.

Ошол эле учурда бир катар аймактарда тике чет өлкөлүк инвестициялардын көлөмү төмөндөгөн: Талас облусунда – 38,2%, Ош шаарында – 31,3%, Бишкек шаарында – 23,6%, Баткен облусунда – 4,2%га кыскарган.

Жыйындын соңунда Адылбек Касымалиев инвесторлор менен иш-аракеттерди күчөтүүнү, административдик тоскоолдуктарды кыскартууну, өнөр жай, энергетика, инфраструктура, логистика тармагына узак мөөнөттүү инвестицияларды жигердүү тартууну тапшырды.