Өзүңдү текшер: каржылык адаттар боюнча 7 жеңил суроо

Сиздердин алдыңыздарда 7 суроо. Ачык жооп бериңиз: «ооба», «кээде» же  «жок». Ылдайда – ар бир жоопко түшүндүрмө бар.  

1. Сизде «коопсуздук жаздыгы» барбы?

Бул эмнени билдирет: 3-6 айга жеткен резервдин болушу – финансылык туруктуулуктун базалык эрежеи. Жооп «ооба» болсо – анда сиз туура жолдосуз. Эгерде «жок» болсо, жок дегенде кирешенин 5–10%ын чогултуп баштаңыз.  

2. Сиз чыгашаларыңызды эсептейсизби?

Бул эмне үчүн маанилүү: Жазылбаган чыгымдар бюджетти «жыртат». Телефондогу жазылган тизме көзөмөл жана тынчтык берет. 

3. Сизде бир жылга финансылык максат барбы? 

Мааниси: Максаттар багыттоо куралы катары иштейт. Каникул, оңдоп-түзөө же билим алууга акча топтоп жатасызбы, айырмасы жок.

4. Сиз накталай эмес төлөмдөрдү аң-сезимдүү колдоносузбу?

Эмнени текшеребиз: Накталай эмес төлөмдөр ыңгайлуу, бирок алар сарптоо сезимин начарлатат. Карта менен төлөгөн адамдар көп акча коротот. Бул эмне менен төлөгөнүңүз эмес, бирок эсептерди эстеп калуу маанилүү.

5. Сиз тизме боюнча соода кыласызбы же импульсивдүүбү?

Бул эмне үчүн маанилүү: Импульсивдүү сатып алуулар бюджеттин эң чоң душманы. Эгерде тизме сиз үчүн норма болсо, анда сиздин финансылык тартип орточодон жогору.

6. Бааларды салыштырып, пайдалуу сунуштарды издейсизби? 

Мааниси: Күнүмдүк буюмдардын 5-10% айырмасы бир жылдын ичинде олуттуу сумманы түзөт. Бул акчаны үнөмдөгөн эң жөнөкөй каржылык адаттардын бири. 

7. Сиз акчаны айлык түшкөн күнү чогултканга бөлөсүзбү?

Алтын кеңеш «алгач өзүңө төлө».

Эгер бардык чыгымдарыңыздан кийин үнөмдөсөңүз - анда сизде бир аз каражат калат. Киреше алгандан кийин дароо үнөмдөсөңүз, туруктуу прогрессти көрөсүз.

Жыйынтыгын кантип чечмелесе болот

Эгерде сизде көп жооп «ооба» болсо

Куттуктайбыз! Сизде тобокелдиктерди азайтууга жана максаттарыңызга ишенимдүү кадам таштоого жардам берген сергек каржылык адаттардын топтому бар.

Эгерде сизде «кээде» деген жооп көп болсо

Сиз туура жолдосуз. Эми тартипти орнотуу гана жетиштүү: бир эсепке алуу куралы, аманатка болгон бир автоматтык которуу, бир максат – дароо натыйжасы көрүнүп баштайт.

Эгерде көп жооп «жок» болсо

Көйгөй эмес - бул башталгыч чекит. Акырындан үч кадам менен баштаңыз:

• каржылык максат коюңуз;
• чакан резерв түзүңүз;
• бир апта чыгымдарды эсептеңиз.

Алгачкы өзгөрүүлөрдү байкоо үчүн ушулар гана жетиштүү.