24–25-ноябрда Бакуда IBF 2026 — X Эл аралык банк форуму 2026 өтөт. Иш-чара Mastercard менен стратегиялык өнөктөштүктө уюштурулат.
Форум «Ишенимдүү, коопсуз жана туруктуу банкинг» урааны алдында өткөрүлөт. Иш-чарага Азербайжандын Банктар ассоциациясы, Азербайжан Республикасынын Борбордук банкы, Экономикалык реформаларды жана коммуникацияларды талдоо борбору (CAERC), Түрк мамлекеттеринин банк ассоциациялары кеңеши (CBATS), Казакстан, Кыргызстан, Өзбекстан жана Түркиянын банк ассоциациялары, Казакстандын Финансисттер ассоциациясы, Азербайжан Республикасынын Санариптик өнүктүрүү жана транспорт министрлиги, ошондой эле башка өнөктөш уюмдар колдоо көрсөтөт.
«Форумдун алкагында түрк мамлекеттеринин финансылык интеграциясын бекемдөөгө, өлкөлөрүбүздүн банктары жана финансылык институттарынын ортосунда түз өз ара аракеттенүүнү кеңейтүүгө өзгөчө көңүл бурулат», — деп билдиришти уюштуруучулар.
Негизги программадан тышкары, форумдун алкагында катышуучулардын активдүү өз ара аракеттенүүсүнө өбөлгө түзгөн митаптар, семинарлар, вебинарлар жана сынактар уюштурулат.
Белгилей кетсек, IBF жыл сайын катышуучуларды бириктирип, аймактагы финансылык сектордун алдыңкы аянтчасы болуп саналат. Бүгүнкү күндө IBF — Азербайжанда финансы жана банк иши жаатындагы бардык банктардын жетекчилери катышкан жалгыз адистештирилген иш-чара.
Форум ошондой эле жөнгө салуучу органдардын, финтех-компаниялардын, эл аралык финансылык институттардын, дипломатиялык миссиялардын, академиялык чөйрөнүн өкүлдөрүн жана Азербайжандан жана башка өлкөлөрдөн келген алдыңкы эксперттерди бириктирет. Коңшу мамлекеттерден жана эл аралык финансылык борборлордон келген делегациялар IBFтин аймактык жана глобалдык макамын баса белгилейт.