КФБдагы 12 айлык МКВнын кирешелүүлүгү 11,85%ды түздү

Бул тууралуу Кыргыз фондулук биржасы билдирди.

Каржы министрлиги соода-сатыктарды үзгүлтүксүз өткөрүп турат. 10-сентябрда КФБнын аянтчасында жүгүртүү мөөнөтү 12 ай болгон мамлекеттик казыналык векселдерди 550 млн сом суммасында жайгаштыруу боюнча аукцион өттү.

МКВнын жана МКОнун ар бир чыгарылышынын көлөмү тиешелүү жылга белгиленген «Кыргыз Республикасынын республикалык бюджети жөнүндө» мыйзамында каралган чектүү көлөмгө жана мамлекеттик бюджеттин учурдагы тартыштыгына жараша Финансы министрлиги тарабынан аныкталат.

Мамлекеттик казыналык векселдер - жүгүртүү мөөнөтү 3, 6 жана 12 ай болгон кыска мөөнөттүү, дисконттук мамлекеттик баалуу кагаздар.

Мамлекеттик казыналык облигациялар - КРнын өкмөтүнүн жүгүртүү мөөнөтү 2, 3, 5, 7 жана 10 жыл болгон, пайыздык киреше - купон деп аталган киреше алып келген узак мөөнөттүү мамлекеттик баалуу кагаздары. Купондук ченди аукциондун башка параметрлери менен бирге Каржы министрлиги аныктайт.

Купондук төлөм – облигациянын шарттарына ылайык, анын жүгүртүү мөөнөтүнүн ичинде белгилүү бир убакыт аралыгында облигациянын ээсине төлөнүүчү пайыздык киреше. Эреже катары, пайыздык төлөмдөр жарым жылда бир жолу жүргүзүлөт.