Соцконтракт: Быйыл 13 миңден ашуун үй-бүлөгө 150 миң сомдон берилет

Бул тууралуу Эмгек, социалдык камсыздоо жана миграция министрлигинен билдиришти.

Маалыматка ылайык, учурда 607 үй-бүлө менен социалдык келишим түзүлдү.

Анын ичинен 341 долбоор айыл чарба багытында ишке ашууда. Бүгүнкү күндө арыздарды кабыл улантылууда. 

«Социалдык контракт» прграммасы президенттин демилгеси менен 2022-жылдан бери ишке ашырылууда, ал аз камсыз болгон жана жакыр үй-бүлөлөргө жардам берүүгө багытталган. 

Төрт жылда долбоордун алкагында 48 миң 557 үй-бүлө менен социалдык контракт түзүлүп, бизнес-долбоорлор ишке ашырылууда. 

Ишке ашкан долбоорлордун структурасы төмөнкүдөй: 

• 73,3 пайызы - айыл чарба;
• 13,8 пайызы – өндүрүш;
• 6,7 пайызы - соода-сатык; 
• 6,2 пайызы - кызмат көрсөтүү.  

Буга чейин социалдык контракттын өлчөмү 100 миң сомду түзсө, 2025-жылдан тартып 150 миң сомду түздү. 2025-жылдын башынан сентябрга чейин жарандар Социалдык контракт программасына катышуу үчүн 8899 арыз беришкен. 

Социалдык контрактты алгачкылардан болуп алган үй-бүлөлөрдүн ичинен 14 үй-бүлөнүн жылдык кирешеси 1 млн сомдон ашты.

Быйыл 2026-жылы республика 13 миң 333 аз камсыз болгон үй-бүлөлөр социалдык контракттын алкагында 150 миң сомдон ала алышат.