Кыргызстанда орточо айлык акы 41 миң сомдон ашты

Мындай маалыматты Улуттук статистика комитети жарыялады.  

Өткөн жылдын ушул мезгилине салыштырмалуу көрсөткүч 19,1%га, ал эми реалдуу эмгек акы инфляцияны эске алуу менен 11,1%га өскөн.

Улуттук банк белгилеген расмий курс боюнча орточо айлык 473,8 АКШ долларын түздү.

Улуттук статистикалык комитеттин маалыматы боюнча, орточо айлык эмгек акынын эң жогорку өсүшү экономиканын төмөнкү тармактарында белгиленди:

• кыймылсыз мүлк менен иш алып баргандар - 39,3%га өсүү;
• курулуш - 38,5%га;
• административдик жана жардамчылык ишмердүүлүк - 30,2%га;
• саламаттыкты сактоо жана калкты социалдык жактан тейлөө  — 27%га;
• кесиптик, илимий жана техникалык ишмердүүлүк - 26%га;
• мейманкана жана тойкана ишмердүүлүгү – 24,9%га;
• финансылык ортомчулук жана камсыздандыруу - 23,8%га;
• тейлөө ишинин бардык түрлөрү - 21,2%га;
• электр энергия, газ менен камсыз кылуу — 21%га;
• маалымат жана байланыш - 17,7%га;
• кен казуу - 16,8%га;
• транспорт жана сактоо — 16,5%га.

Ошондой эле, бюджеттик эмес сектордогу эмгек акы бюджеттик сектордогу эмгек акынын деңгээлинен 1,7 эсеге жогору экендиги белгиленген.

Аймактар боюнча орточо айлык номиналдык чегерилген эмгек акынын тизмеси:

• Баткен облусу — 30 224 сом;
• Жалал-Абад облусу — 33 901 сом;
• Исык-Көл облусу — 46 394 сом;
• Нарын облусу — 38 903 сом;
• Ош облусу — 26 221 сом;
• Талас облусу — 38 819 сом;
• Чүй облусу — 32 902 сом;
• Бишкек шаары — 51 977 сом;
• Ош шаары— 33 514 сом. 

Эң төмөнкү орточо айлык Ош облусунда – 26 миң 221 сом.