Кайсы тармактарда 80–100 миң сом айлык сунушталып жатат

Бул тууралуу HeadHunter платформасында жарыяланган эмгек рыногунун 2026-жылдын III чейрегиндеги изилдөөсүндө айтылат.

Медианалык айлык акы орточо эмгек акыга караганда объективдүү көрсөткүч болуп эсептелет. Анткени ал өтө жогору же өтө төмөн айлыктардан улам маалыматтардын бурмаланышына жол бербейт жана көрсөткүчтүн так ортодогу маанисин көрсөтөт.

Кайсы адистерге эң жогорку айлык акы сунушталууда?

HeadHunter маалыматына ылайык, төмөнкү багыттардагы адистерге эң жогорку айлык акы сунушталууда:

• Жогорку жана орто звенодогу жетекчилерге - 100 000 сом;
• Чийки зат казып алуу тармагында - 80 000 сом (бир жылда 27%га өскөн);
• Камсыздандыруу тармагында - 80 000 сом (33,3%га өскөн);
• Унаа бизнесинде - 74 246 сом (6,1%га өскөн);
• Маркетинг, жарнама жана PR тармагында - 73 049 сом (16,8%га өскөн);
• Спорт клубдары, фитнес жана сулуулук салондорунда - 71 322 сом (10,2%га өскөн);
• Курулуш жана кыймылсыз мүлк тармагында - 70 462 сом (8,5%га өскөн);
• Айыл чарбасында - 70 000 сом (7,7%га өскөн).

Ошол эле учурда бир жыл ичинде айлык акынын өсүшүнүн эң жогорку темпи камсыздандыруу, чийки зат казып алуу жана транспорттук-логистикалык тармактарда катталган.

Башка тармактарда канча айлык акы сунушталууда?

Сатуу жана кардарларды тейлөө тармагында сунушталган айлык акынын медианалык көрсөткүчү 62 596 сомду, сатып алуулар тармагында 62 500 сомду, өндүрүш жана сервистик тейлөө тармагында - 60 060 сомду түзөт.

Финансы жана бухгалтердик эсеп тармагындагы адистерге 58 781 сом, IT тармагындагыларга - 57 334 сом сунушталууда. Ошол эле учурда маалыматтык технологиялар тармагындагы бул көрсөткүч бир жылда 3%га төмөндөгөн.

Транспорт жана логистика тармагында 54 261 сом (19,7%га өскөн), жумушчу персоналга 52 586 сом (16,9%га өскөн), илим жана билим берүү тармагында - 50 000 сом (11,4%га өскөн) айлык акы сунушталууда.

Туризм, мейманкана жана ресторан бизнесинде сунушталган айлык акынын медианалык көрсөткүчү 50 000 сомду түзөт. Бир жыл ичинде ал 18,1%га өскөн.

Кесиптик багыттардын ичинен эң төмөнкү айлык акы коопсуздук тармагынын кызматкерлерине сунушталууда - 32 500 сом. Административдик персоналга 45 000 сом, үй чарбасында жана тейлөө тармагында иштеген кызматкерлерге 48 081 сом, медицина жана фармацевтика адистерине - 47 148 сом сунушталат.

Кайсы шаарларда айлык акы көбүрөөк сунушталууда?

Кыргызстандын шаарларынын арасында сунушталган айлык акынын медианалык деңгээли боюнча Жалал-Абад шаары алдыда турат. Бул жерде иш берүүчүлөр орточо 60 000 сом айлык акы сунушташат. Бир жыл ичинде бул көрсөткүч 9,1%га өскөн.

Бишкекте сунушталган айлык акынын медианалык көрсөткүчү 59 300 сомду түзүп, бир жылда 1,4%га көбөйгөн. Ош шаарында иш берүүчүлөр 55 800 сом сунушташат. Бул өткөн жылга салыштырмалуу 0,6%га көп.

Башка шаарларда да айлык акынын сунушталган деңгээли кыйла өскөн:

• Токмокто - 51 786 сом (21,8%га өскөн);
• Кадамжайда - 45 086 сом (13,4%га өскөн);
• Кара-Балтада - 50 000 сом (11,1%га өскөн);
• Сокулукта - 45 000 сом (5,9%га өскөн).

Ошол эле учурда айрым шаарларда айлык акы боюнча сунуштар төмөндөгөн. Кант шаарында бул көрсөткүч 55 000 сомду түзүп, бир жыл мурункуга салыштырмалуу 15,4%га азайган. Караколдо 55 000 сом сунушталууда (8,3%га төмөндөгөн), ал эми Балыкчыда 46 402 сомду түзүп, 7,4%га азайган.