Мекеменин маалыматына ылайык, 2026-жылдын 1-январынан тарта аталган өндүрүмдөргө милдеттүү түрдө акциз салыгы салынууга жана акциздик маркалар менен маркаланууга тийиш.
Ага ТЭИ ТН 2202 коду боюнча классификацияланган алкоголсуз суусундуктар, тагыраагы кант, татымалдар же жыпар жыттуу кошулмалары бар суулар, минералдык жана газдалган суулар кирет. Ал эми балдардын тамак-аш азыктары катары саналган пюре, ботко жана ушул сыяктуу товарларга акциз салыгы салынбайт.
Министрлер кабинетинин токтомуна ылайык, 2026-жылдын 1-майынан баштап өлкө аймагында мындай продукциянын маркаланбаган калдыктарын жүгүртүүгө тыюу салынат.
Суусундуктардын бул категориясына акциз салыгынын ставкасы өзгөрүүсүз калат жана литрине 3 сомду түзөт.
Бул норма жогоруда көрсөтүлгөн күбөлүктү берүү жолу менен акциз салыгын төлөөдөн качуу тобокелдиктерин жоюуга жана алкоголсуз суусундуктарды өндүргөн ата мекендик өндүрүүчүлөргө бирдей конкреттүү шарттарды түзүүгө багытталган.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.