Финансы министрлиги банктарга 20 млрд сом жайгаштыруу боюнча аукцион жарыялады

Аукцион Кыргыз фондулук биржасынын аянтчасында өтөт. Акча каражаттарын жылдык 11 пайыздык чен менен 12 айлык мөөнөткө жайгаштыруу пландалууда.

Аукциондун параметрлери

Аукциондун алкагында жалпы суммасы 20 млрд сомдук 21 лотту жайгаштыруу каралган. Анын ичинде:

• көлөмү 100 млн сомдон 900 млн сомго чейинки лоттор; 
• 1 млрд, 1,2 млрд, 1,4 млрд, 1,6 млрд, 1,8 млрд, 2 млрд, 2,5 млрд жана 2,8 млрд сомдук ири пакеттер бар; 
• бардык лоттор боюнча жайгаштыруу мөөнөтү бирдей — 12 ай; 
• баштапкы кирешелүүлүк жылдык - 11%.

Аукцион Кыргыз Республикасынын бюджеттик системасынын бюджеттеринде убактылуу бош турган каражаттарды тескөөнүн алкагында өткөрүлүүдө.