Акчаны эки жылга кайда салуу керек? Жума күнү МКО боюнча аукцион өтөт

Бул тууралуу Кыргыз фондулук биржасынын сайтында маалымдалды.

Мамлекеттик облигацияларды жайгаштыруу мамлекетке өзүнүн муктаждыктарын каржылоо үчүн кошумча каражат тартууга мүмкүндүк берет. Ошол эле учурда инвесторлор мамлекеттик баалуу кагаздарга акча салып, пайыздык төлөмдөрдөн киреше табуу мүмкүнчүлүгүнө ээ болушат.

Аукцион 2026-жылдын 13-ноябрына пландалган. Чыгарылыштын жалпы көлөмү 300 млн сомду түзөт, ал эми облигациялардын жүгүртүү мөөнөтү эки жыл.

Буга чейин Садыр Жапаров мамлекеттик казына облигацияларынын эсебинен курулушту, капиталдык оңдоону жана реконструкциялоону каржылоонун өзгөчө тартибин киргизген жарлыкка кол койгон.

Финансы министрлиги октябрь айынын аягында 500 млн сом көлөмүндө эки жылдык МКОну жайгаштыруу боюнча аукцион өткөргөн.