Кыргызстандыктар насыя алууда жана аманат салууда активдүү болушууда – I кварталдын жыйынтыгы

Бул тууралуу Статкомдун маалыматында айтылат. 

Калктан депозиттик эсептерге акча каражаттарынын агылып кирүүсү (чыгарууларды эске алуу менен) 15,4 млрд сомду түздү, бул 2024-жылдын январь-март айларындагы көрсөткүчтөн дээрлик эки эсеге көп.

Депозиттер

2025-жылдын 1-апрелине карата депозиттердин жалпы көлөмү 285,4 миллиард сомго жетип, өткөн жылдын ушул күнүнө салыштырмалуу 28,3%га өстү. Мында депозиттердин 57,3 пайызы улуттук валютада, 42,7 пайызы чет өлкөлүк валютада жайгаштырылган.

Насыялар

2025-жылдын январь-март айларында банктар тарабынан берилген кредиттердин жалпы көлөмү 108,8 миллиард сомду түзүп, бир жыл мурункуга салыштырмалуу 42,3 миллиард сомго көп (1,6 эсеге өскөн).

Эң активдүү насыялоо:

• Керектөөчүлөрдүн зырылчылыктары – 29,1 млрд сомго өсүү;
• соода – 5,8 млрд сомго;
• ипотека – 2,9 млрд сомго;
• айыл чарбасы — 1,5 миллиард сомго.

Насыялык портфель

2025-жылдын 1-апрелине карата банктардын ачык кредит портфели бир жыл ичинде 42,3%га (же 110,6 млрд сомго) көбөйүү менен 371,9 млрд сомго жетти.

Насыялоонун түрлөрү боюнча структурасы:

• Керектөөчүлүлөрдүн зарылчылыктары  — 30,9%;
• соода — 25,9%;
• айыл чарбасы — 12,7%;
• ипотека — 11,4%.

Улуттук статистика комитетинин маалыматы боюнча, кредиттердин 81 пайызы - улуттук валютада, 19 пайызы - чет өлкөлүк валютада берилген.

Портфелдин негизги бөлүгүн узак мөөнөттүү кредиттер түзөт (86,7% же 322,7 млрд.сом).

Насыянын аймыктык структурасы:

Албетте, насыя боюнча лидерликте калаа турат, берилген кредиттердин жалпы көлөмүнүн 52%ын түзөт.

Андан кийин:

• Жалал-Абад облусу – 9,6%;
• Чүй облусу – 7,9%;
• Ош облусу – 7,1%.

Калктын депозиттик активдүүлүгүнүн өсүшү жана банктык кредиттөөнүн кеңейиши банк тутумуна болгон ишенимдин жогорулагандыгын жана өлкөдө экономикалык жигердүүлүктүн жандангандыгын көрсөтүп турат.