«Кыргызалтын» ААКнын акционерлери таза пайданын 100%ын мамлекеттик бюджетке дивиденд катары бөлүү чечимин кабыл алышты. Анда 2025-жылдын жыйынтыгы боюнча жылдык жалпы акционерлер жыйыны өткөрүлдү.
Жыйындын жүрүшүндө компаниянын финансылык-чарбалык ишмердүүлүгү боюнча отчет каралып, бюджеттин аткарылышына талдоо жүргүзүлүп, негизги натыйжалуулук көрсөткүчтөрүнө баа берилди. Ошондой эле ишкананын мындан аркы өнүгүү стратегиясы талкууланды.
2025-жылдын жыйынтыгы боюнча «Кыргызалтын» ААКнын кирешеси 20,7 млрд сомду түзүп, таза пайдасы 18,7 млрд сомго жетти. 2024-жылга салыштырмалуу пайда 9%га өскөнү белгиленип, бул компания үчүн кезектеги рекорддук көрсөткүч болду.
Жыйындын жыйынтыгында акционерлер тарабынан алынган таза пайданын 100%ын мамлекеттик бюджетке дивиденд катары бөлүү жөнүндө чечим кабыл алынды.
Талкуунун жүрүшүндө айтылган бардык сунуштар жана сунуш-пикирлер эске алынып, күн тартибиндеги маселелер боюнча тиешелүү чечимдер бекитилди.
«Кыргызалтын» ААКнын негизги акционери болуп министрлер кабинетине караштуу Мамлекеттик мүлктү башкаруу боюнча мамлекеттик агенттиги эсептелет (акциялардын 99%), ал эми 1% акция Кыргыз Республикасынын Финансы министрлигине таандык.
Эске салсак, 2025-жылдагы Улуттук банктын бардык кирешесин соцчыгымдарга жумшоо чечими кабыл алынган.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.