Кыргызстанда ишкерликти колдоо үчүн бирдиктүү экосистема түзүлөт

Документ мамлекеттик органдардын, финансылык институттардын, билим берүү мекемелеринин жана эл аралык өнөктөштөрдүн күч-аракеттерин консолидациялоо, ишкердикти колдоо саясатынын натыйжалуулугун жана ачык-айкындуулугун жогорулатуу максатында кабыл алынды. 

Жобонун негиздери:

Кыргызстанда чакан жана орто ишкердик субъекттерин колдоо институттарынын консорциуму түзүлөт. Экономика жана коммерция министрлиги жогоруда аталган консорциумдун катчылыгы болуп аныкталсын.

Ыйгарым укук жана координациялоо

Жобого ылайык: 

• аталган консорциумдун уюштуруучулар кеңеши Кыргызстанда чакан жана орто ишкердикти өнүктүрүүнүн негизги багыттарын жана артыкчылыктарын түзөт; 
• анын чакан жана орто ишкердикти колдоо чөйрөсүндөгү чечимдери консорциумдун катышуучулары жана мамлекеттик органдар тарабынан аткаруу үчүн милдеттүү болуп саналат;
• мамлекеттик органдар Экономика министрлигине чакан жана орто ишкердикти өнүктүрүүгө багытталган иш-чараларды ишке ашырууга көмөк көрсөтүүгө, ошондой эле иштин тиешелүү багыттары боюнча аны менен артыкчылыктуу өз ара аракеттенүүнү камсыз кылууга милдеттүү.

Экономика жана коммерция министрлиги консорциумдун катышуучуларынын ишин координациялоону жана анын чечимдеринин аткарылышына мониторинг жүргүзөт. 

2030-жылга чейинки программа

Министрлер кабинети 2026-жылдын экинчи кварталы башталганга чейин ишкердик иштин бардык чөйрөлөрүн комплекстүү өнүктүрөт. Анын ичинде 2030-жылга чейин Кыргызстанда чакан жана орто ишкердик субъекттерин колдоо жана өнүктүрүү программасын бекитет:

• жаштар ишкердигин өнүктүрүүнү жана колдоону;
• аялдардын ишкердигин илгерилетүүнү;
• социалдык ишкердикке дем берүүнү;
• региондук ишкердикти өнүктүрүүгө көмөктөшүүнү;
• кластердик өнүгүүнү түзүүнү жана колдоону;
• экономиканын инновациялык, экспортко багытталган креативдүү экономиканы өнүктүрүүнү.

Бул жарлыктын аткарылышын контролдоо президенттин администрациясынын президенттин жана министрлер кабинетинин чечимдерин аткарууну контролдоо башкармалыгына жүктөлсүн.

Бул жарлык расмий жарыяланган күндөн тартып он күн өткөндөн кийин күчүнө кирет.