Алимент өндүрүүдөгү юристтердин кызматын арзандатуу сунушталды

Кеп биринчи кезекте алимент өндүрүү жана 10 миң сомго чейинки мүлктүк талаш-тартыштар тууралуу болуп жатат.

Мындай иштер боюнча юристтерге коюлган айрым талаптардан өзгөчөлүк киргизүү укугун Юстиция министрлигине берүү сунушталууда. Бул жарандардын кызыкчылыктарын сотто өкүлчүлүк кыла ала турган адистердин чөйрөсүн кеңейтүүгө мүмкүндүк берет.

Демилгенин автору бул юридикалык жардамды жеткиликтүүрөөк кылат деп эсептейт. Айрыкча кирешеси аз адамдар үчүн маанилүү, анткени юристтердин кызматынын баасы кээде талаштын өзүнүн суммасынан да кымбат болуп калышы мүмкүн.

Эске салсак, 2024-жылы Кыргызстанда дээрлик 2 млн адам жакырчылык чегинен төмөн жашары белгилүү болгон.