Маалыматка ылайык, 2024-жылы жашоо чыгымдарына негизделген жакырчылык деңгээли 25,7%ды түзгөн. Бул мурунку жылга салыштырмалуу 4,1%га төмөндөгөн көрсөткүч.
Жакырчылык чегинен төмөн жашагандардын саны 1 млн 871 миң адамды түзөт, алардын 61,9% — айыл жергесинде жашагандар.
Жакырчылыктын чеги керектөө бааларынын орточо жылдык индексин индексациялоонун негизинде эсептелген. 2024-жылы ал жалпысынан өткөн жылдын 105%ын түздү:
- тамак-аш азыктары жана алкоголсуз суусундуктар боюнча - 101,7%;
- азык-түлүк эмес товарлар жана кызмат көрсөтүүлөр боюнча - 107,7%.
2024-жылы жакырчылыктын чеги ар бир кишиге жылына 65 417 сом, ал эми өтө жакырчылыктын чеги - 41 349 сом деп белгиленген.
Социалдык топтор
Балдар арасында (0–17 жашта) жакырчылык деңгээли эң жогорку: 33,1%, же болжол менен 954,5 бала жакырчылыкта жашаган.
Айыл аймактары жана шаар жергесинде
- Айыл жеринде жакырчылык 1,8%га төмөндөгөн;
- шаарларда 7,3%га төмөндөгөн.
Аймактар боюнча динамика
Жакырчылыктын деңгээлинин төмөндөшү өлкөнүн бардык аймактарында катталган:
- Чүй облусу — 4,9%га;
- Баткен — 4,1%га;
- Талас — 3,3%га;
- Жалал-Абад — 3,2%га;
- Ысык-Көл — 2,6%га;
- Нарын — 2,1%га.
Ири шаарлардагы көрсөткүч:
- Бишкек — 9%га төмөндөдү;
- Ош — 6,3%га.
Өтө жакырчылык
2024-жылы өтө жакырчылыктын деңгээли 2,7%ды түзгөн, бул 2023-жылга салыштырмалуу 2,3%га төмөн. Өтө жакырчылыктын чегинде 198,3 миң адам бар, анын ичинен 58,5% айыл тургундары.
Көрсөткүчтүн эң көп төмөндөөсү Баткен облусунда (-4,3%), Ысык-Көлдө (-3,7%) жана Жалал-Абадда (-3,4%) катталган. Бишкекте өтө жакырчылыктын деңгээли 3%га, Ош шаарында 1,4%га төмөндөдү.
Айыл жеринде өтө жакырчылык 2%га, шаарларда - 2,6%га кыскарган.