MBusiness-тин техникалык жаңыртуусу: 31-июльдан 3-августка чейин колдонмо жеткиликсиз болот

Көңүл буруңуз: 1-августтан 3-августка чейин Кыргызстан боюнча банктын кеңселери иштебейт.

MBusiness

31-июльдан баштап MBusiness колдонмосуна жана веб-версиясына кирүү техникалык жаңыртуу мезгилинде жеткиликсиз болот.

31-июлдун саат 16:00гө чейин төмөнкүлөрдү жасап алууну сунуштайбыз:

• Маанилүү төлөмдөрдү, контрагенттерге которууларды жана кызматкерлерге эмгек акы төлөөлөрдү жүргүзүү;
• Салыктарды төлөө;
• Ушул күндөрү керек болушу мүмкүн болгон көчүрмөлөрдү же реквизиттерди сактап коюу;
• MBusiness колдонуучуларын сервистин убактылуу жеткиликсиз болушу тууралуу эскертүү;
• Төлөмдөрдү кабыл алуу үчүн колдонмодон статикалык QR-кодду басып чыгаруу;
• SWIFT боюнча которууларды тариздөө (саат 13:00гө чейин);
• Кредиттерди төлөө (саат 11:00гө чейин).

Маанилүү: эгерде сиздин пландуу төлөмүңүздүн күнү 1–4-августка туура келсе, аны мурдараак – 31-июльга чейин төлөй аласыз. Эгерде бул ыңгайсыз болсо, кабатырланбаңыз – техникалык жаңыртуу аяктагандан кийин, 5-августтун саат 16:00гө чейин төлөм жасаңыз. Бул учурда кредиттик тарыхыңызга зыян тийбейт жана пеня эсептелбейт.

MKassa

POS-терминалдар жана QR-коддор аркылуу төлөмдөрдү кабыл алуу адаттагыдай режимде иштейт. MKassa колдонмосу жана веб-версиясы да иштей берет: сиз транзакциялардын тарыхын реалдуу убакытта карап тура аласыз.

31-июльдан баштап төмөнкүлөр жеткиликсиз болот:

• Каражаттарды эсептерге чыгаруу;
• Толук көчүрмөнү (выписка) жүктөп алуу;
• Жеткиликтүү суммаңызды көрүү.

Техникалык жаңыртуу аяктагандан кийин MBusiness-тин иши толугу менен калыбына келтирилет. Бардык сервистер кайрадан адаттагыдай режимде жеткиликтүү болот. Ишенимиңиз үчүн рахмат!