Экономика жана коммерция министрлиги «КРнын айрым мыйзам актыларына жоопкерчилиги чектелген коомдордун ишин жөнгө салган өзгөртүүлөрдү киргизүү жөнүндө» мыйзам долбоорун коомдук талкуудан чакыртып алды.
Документ 2026-жылдын 9-мартында Мамлекеттик салык кызматынын демилгеси менен коомдук талкууга коюлган.
Ченемдик укуктук актылардын долбоорлорун коомдук талкуулоо боюнча Бирдиктүү порталда талкуунун жүрүшүндө жарандык сектордун, ишкерлер коомчулугунун жана укуктук эксперттердин өкүлдөрүнөн сын-пикирлер жана эксперттик пикирлер келип түштү.
Келип түшкөн сунуштарды, ошондой эле Мамлекеттик салык кызматынын кошумча талдоо жана кайра карап чыгуу өтүнүчүн эске алуу менен Экономика министрлиги мыйзам долбоорун кайра чакыртып алуу чечимин кабыл алды.
Документтин айтылган сын-пикирлерди жана сунуштарды эске алуу менен кайра каралышы күтүлүүдө.
Эске салсак, буга чейин Кыргызстанда ЖЧКлардын иштөө эрежелерин катаалдатуу сунушталган болчу.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.