Кыргызстанда бир айдын ичинде 5 миңге жакын жаңы пенсионер пайда болду

Анын ичинен март айында: 

• 4 661 жаранга пенсия жаңыдан чектелди; 
• 1 571 пенсионердин пенсиясы кайра эсептелди (эмгек стажы, эмгек акысы, окуусу жана майыптыгына байланыштуу кошумча документтердин негизинде).

Пенсия маселелери боюнча маалымат алуу үчүн 1202 кыска номерине кайрылууга болот.

Эске салсак, 2026-жылдын 1-январына карата пенсиянын орточо өлчөмү 11 238 сомду түздү (бир жылда +766 сом). Өлкөдө 816,6 миң пенсионер бар. Ошондой эле кыргызстандыктар, чет өлкөлүк жарандар жана жарандыгы жок адамдар пенсиясын көбөйтүү үчүн мурунку мезгилдердеги жетишпеген эмгек тажрыйбасын расмий түрдө калыбына келтире алышат. Бүгүнкү күндө Кыргызстандын 18 коммерциялык банкында пенсия алууга болот, анткени алар Социалдык фонд менен пенсионерлердин карттык эсептерин тейлөө боюнча келишим түзүшкөн.