Кыргызстанда Binance”тагы акчаларды кантип чыгаруу керек: кадамдык инструкция

- Binance”тан каражат чыгаруу жеткиликтүү болуш үчүн колдонуучунун аккаунту кандай болушу керек?

- Binance платформасында каражат чыгаруу үчүн аккаунт базалык коопсуздук жана комплаенс талаптарына жооп бериши керек. Баарынан мурда, колдонуучу милдеттүү идентификациядан өтүшү керек (KYC) — жеке маалыматтарын тастыктап, керектүү документтерди жүктөп. Верификациясыз каражат чыгаруу мүмкүн эмес.

Ошондой эле талаптар:

• Активдештирилген эки факторлуу аутентификация (2FA) аккаунттун коопсуздугун камсыздайт;
• Коопсуздук текшерүүлөрү, эрежелердин бузулушу же чечилбеген талаштар менен байланышкан чектөөлөрдүн жоктугу;
• Аккаунттун верификация деңгээлине жараша чыгаруу лимиттерин сактоо.

Бул шарттар аткарылганда гана колдонуучу каражатты чыгаруу функцияларына, анын ичинде P2P аркылуу операцияларга толук жеткиликтүү болот.

- Binance P2P аркылуу каражатты кандай чыгаруу керек?

- Binance P2P-кызматы колдонуучуларга санариптик активдерин түздөн-түз улуттук валютага алмаштырууга мүмкүндүк берет. Платформа өзүнчө төлөмдөргө катышпайт, бирок технологиялык инфраструктура, эскроу механизмин жана талаштарды чечүү системасын камсыздайт.

Каражатты чыгаруу үчүн, колдонуучу криптовалютаны P2P-капчыгына өткөрүп, шарттары туура сатып алуучуну тандап, келишимди бекитет. Операция учурунда криптоактивдер Binance эскроусунда бөгөттөлөт жана сатуучу каражаттардын өзүнүн банктык эсебине түшкөнүн тастыктагандан кийин гана автоматтык түрдө сатып алуучуга өткөрүлүп берилет. Мындай механизм эки тарап үчүн тең тобокелдиктерди азайтат. 

- Жаңы колдонуучуларда эң көп кездешкен каталар кайсылар?

- Көбүнчө каталар адамдык факторлордон келип чыгат:

• төлөмдөр иш жүзүндө түшкөнгө чейин бүтүмдү ырастоо; 
• контрагентти анын кадыр-баркын баалабастан, бир гана курсу боюнча тандоо; 
• платформадан тышкары эсептешүүлөрдү жүргүзүү же байланышуу аракеттери.

Мындай учурларда эскроу-механизминин коргоосу жоголот.

Эгер талаш жаралса, колдонуучулар Binance интерфейсинде даттануу ачышы мүмкүн. Колдонмо колдонуучулардын ар бир кадамдарын жана жазышкан кабарларын текшерип, тез жана объективдүү чечим чыгарат.

Binance P2P сервиси менен иштөөдө коопсуздуктун негизги фактору - контрагентти туура тандоо. Эскроу-механизминин бар экендигине карабастан, тобокелдиктер көбүнчө колдонуучулардын өздөрү тарабынан негизги эрежелерди сактабагандыктан келип чыгат.

- Колдонуучулар көйгөйлөргө туш болбоо үчүн кандай кеңеш бере аласыз?

- Биз биринчи кезекте сатып алуучунун рейтингине, ийгиликтүү аяктаган бүтүмдөрдүн пайызына жана жалпы буйрутмалардын санына көңүл бурууну сунуштайбыз. Ишенимдүү деп, адатта, бүтүмдөрдү аткаруунун жогорку пайызы (адатта 95–98%дан жогору) жана операциялардын олуттуу тарыхы бар колдонуучулар эсептелет. Статистикасы жок жаңы аккаунттар тобокелдикти жогорулатат.

Базардагы курска салыштырмалуу кыйла жогорулатылган курс - бул мүмкүн болуучу көйгөйлөрдүн типтүү белгилеринин бири. Алдамчылар көбүнчө тажрыйбасыз колдонуучуларды тартуу үчүн «өтө пайдалуу» шарттарды колдонушат. 

Келишимди баштоодон мурун жарыяда көрсөтүлгөн шарттарды кылдаттык менен изилдөө маанилүү: жол берилген банктар, төлөө мөөнөттөрү, кошумча талаптар. Бул шарттарга көңүл бурбоо кечигүүлөргө, талаштарга же колдоодон баш тартууга алып келиши мүмкүн. 

Бардык сүйлөшүүлөр P2P орнотулган чатында гана жүргүзүлүшү керек. Баарлашууну үчүнчү тараптын мессенджерлерине которуу же «платформадан тышкары» сүйлөшүү аракети колдонуучуну эскроу коргоосунан жана талашты объективдүү кароо мүмкүнчүлүгүнөн ажыратат.

Төлөмдү алууну ырастоо жана криптовалютаны бошотуу банктык эсепке каражат реалдуу түрдө келип түшкөндөн кийин гана ишке ашырылат. Акчо которуунун скриндери, убадалар каражат келгенин тастыктабайт. 

Төлөмдү жөнөтүүчүнүн аты сатып алуучунун аккаунтунда көрсөтүлгөн ат менен дал келиши керек. Дал келбөө эрежелерди бузуунун жана кошумча тобокелдиктин белгиси болушу мүмкүн. 

Көпчүлүк учурларда алдамчылык абалдар P2P-сервисинин техникалык каталыгынан эмес, шашмалыктан жана ушул негизги критерийлерди этибарга албагандыктан келип чыгат. Жөнөкөй эрежелерди сактоо тобокелдиктерди кыйла азайтып, P2P-механизмин коопсуз колдонууга мүмкүндүк берет.

- Кыргызстанда кайсы валюталарды жана криптовалюталарды чыгарууга болот? 

- Binance P2P сервиси аркылуу Кыргызстандагы колдонуучулар санариптик активдерди платформанын башка колдонуучулары менен түздөн-түз улуттук валютага алмаштыруу аркылуу акча чыгара алышат. 

Кыргызстанда эсептешүү үчүн негизги валюта - кыргыз сому (KGS). Көпчүлүк P2P транзакциялары банктык которуулар аркылуу жергиликтүү банктардын карталарына жана эсептерине ушул валютада жүргүзүлөт. 

Кошумчалай кетсек, колдонуучулар башка валюталардагы сунуштарды да көрүшү мүмкүн, бирок алардын жеткиликтүүлүгү конкреттүү жарыяларга жараша болот жана массалык мүнөзгө ээ эмес. 

P2P аркылуу акча чыгаруу үчүн эң кеңири таралган актив - бул USDT (Tether), ал курстун салыштырмалуу туруктуулугунан улам негизги курал катары колдонулат.

Платформада төмөнкү криптовалюталар менен да соода жүргүзүүгө болот: 

• BTC (Bitcoin); 
• ETH (Ethereum); 
• BNB. 

Криптовалюталардын чыныгы тизмеси рыноктун талабына жана колдонуучулардын белгилүү бир учурдагы активдүүлүгүнө жараша болот. Иш жүзүндө Кыргызстандагы колдонуучулардын көбү криптоактивдерди USDTке айландырып, андан кийин USDTти KGSке P2P аркылуу сатышат. Мындай ыкма ликвиддүүлүгү жогору жана бүтүмдөрдүн ылдамдыгы жана жеткиликтүү контрагенттердин саны жагынан эң ыңгайлуу деп эсептелет. 

Эске салсак, Кыргызстанда KGST стейблкоини ишке киргизилген: эмнеге жана эмне үчүн, аны кантип жана кайда колдонуу керек, кантип сатып алуу керектигин шилтеме аркылуу билүүгө болот.

- Акча чыгарууда кандай маалыматтарды көрсөтүү керек? 

- Binance P2P-кызматын колдонууда колдонуучулардын коопсуздугу көбүнчө жеке жана төлөм маалыматтарын туура пайдаланууга байланыштуу. Платформа башынан эле бүтүм үчүн минималдуу керектүү маалыматты талап кыла тургандай кылып түзүлгөн. 

P2P-бүтүмүнүн алкагында банктык которууну алуу үчүн зарыл болгон маалыматтарды гана берүүгө болот, атап айтканда: 

• төлөм алуучунун аты-жөнү (банктык эсепке ылайык); 
• банктык картанын же эсептин номери; 
• банктын аталышы; 
• зарыл болгон учурда - которуунун стандарттык идентификатору (мисалы, эгерде банк IBAN колдонсо). 

Бул маалыматтар төлөм ыкмасынын жөндөөлөрүндө көрсөтүлөт же платформанын интерфейсинде автоматтык түрдө ырасталат.

- P2P аркылуу кандай маалыматтарды берүүгө болбойт? 

- Төмөнкү маалыматтарды берүүгө таптакыр сунушталбайт жана коопсуздуктун негизги эрежелерин бузуу болуп эсептелет: 

• аккаунтка кирүү үчүн маалыматтар (логин, сыр сөз); 
• эки факторлуу аутентификация коддору (SMS-коддор, Google Authenticator); 
• документтердин сканерлери же сүрөттөрү (паспорт, ID-карта, айдоочулук күбөлүк); 
• банктык карталардын PIN-коддору, CVV/CVC-коддору; 
• төлөмгө түздөн-түз байланышпаган кошумча жеке маалыматтар (жашаган дареги, телефон номери, электрондук почта). 

Контрагент тарабынан мындай маалыматтарды суроо алдамчылыктын түздөн-түз белгиси болуп саналат.

- Банк эсебине акча качан түшөт? 

- Binance P2P сервисин колдонууда каражаттын түшүү ылдамдыгы платформага эмес, банк инфраструктурасына жана тандалган которуу ыкмасына жараша болот. 

- Binance кандай комиссияларды алат жана аларды операцияны ырастоодон мурун кайдан көрүүгө болот? 

- Binance P2P-кызматы, адатта, учурдагы жарыяларды кабыл алган колдонуучулардан P2P бүтүмү үчүн комиссия албайт. Айрым учурларда, комиссия өз жарыяларын жайгаштырган колдонуучуларга карата колдонулушу мүмкүн жана бүтүмдүн шарттарында алдын ала эске алынат. 

Мүмкүн болгон комиссиялар жана акыркы сумма жөнүндө бардык маалымат операцияны ырастоодон мурун P2P интерфейсинде көрсөтүлөт, бул колдонуучуга шарттарды алдын ала баалоого мүмкүндүк берет. 

Ошол эле учурда, банктар же төлөм системалары тарабынан кошумча чыгымдар келип чыгышы мүмкүн - алар Binance комиссиясына тиешеси жок жана конкреттүү банктын тарифтерине жараша болот.

- Эгерде P2P аркылуу чыгарууда акча түшпөсө, талашты кантип чечүү керек? 

- Эгерде Binance P2P сервиси аркылуу акча чыгарууда төлөм белгиленген мөөнөттө түшпөсө, колдонуучу каражаттын алынганын ырастабашы керек. Бул учурда криптовалюта эскроуда бөгөттөлүп, сатып алуучуга өткөрүлбөйт. Мындай кырдаалда түздөн-түз транзакция интерфейсинде «талашты ачуу» функциясын колдонуу зарыл. Колдонуучу тастыктоочу материалдарды - банктык колдонмодон көчүрмө же скриншотторду, ошондой эле P2P чатындагы кат алышууларды тиркөөгө болот.

Binance колдоо кызматы талашты транзакциянын катталган маалыматтарынын жана тараптардын ортосундагы байланыштын негизинде карайт. Эгерде төлөм фактысы тастыкталбаса, криптовалюта сатуучуга кайтарылат. Мындай механизм талаштуу кырдаалдарды борборлоштурулган түрдө чечүүгө жана колдонуучулар үчүн тобокелдиктерди азайтууга мүмкүндүк берет. 

Негизги эреже - бардык байланыш жана аракеттер платформанын ичинде болушу керек, антпесе эскроу коргоосу жоголуп кетиши мүмкүн.

- Маалымат үчүн ыраазычылык билдиребиз!