Соцфонддун маалыматына ылайык, пенсиялардын камсыздандыруу бөлүктөрү 1,2 коэффициентке жогорулатылды. Анда 1 000 сомдон кем эмес жана 10 000 сомдон көп эмес санда көбөйтүлдү.
Мындан тышкары, пенсиянын эң төмөнкү өлчөмү 8 800 сомго чейин жогорулатылды. Бул өлчөм мыйзамдарда каралган өзгөчө учурларды кошпогондо, пенсия жаңыдан дайындалган учурларда да колдонулат.
Алгач эсептелген индексациялоо коэффициенти 1,13тү түзгөн. Ал 2025-жылга карата болжолдоолордун 8,2% инфляциянын жана орточо эмгек акынын 17,6%га өсүшүнүн негизинде аныкталган. Бирок Пенсиялык фонддун каржылык мүмкүнчүлүктөрү эске алынып, коэффициент 1,2ге чейин жогорулатылган.
Төлөмдөрдү жүргүзүүгө Пенсиялык фонддун каражаттарынан 4,4 млрд сом каралды.
Индексациянын жыйынтыгында республика боюнча пенсиянын орточо өлчөмү 12 898 сомго жетип, орточо жогорулоо 1 753 сомду же жогорулаган учурга карата 16%ды түздү.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.