Министрликтин маалыматына ылайык, акыркы апталарда Кыргызстанда баасы эң көп жогорулаган азык картошка болду - ал 2,7%га кымбаттады. Ошондой эле пастерленген сүт (+0,8%), тоок жумурткасы (+0,6%), биринчи сорттогу буудай унунан жасалган нан (+0,3%), ошондой эле кумшекер жана күн карама майынын (ар бири +0,1%) баасы жогорулады.
Ошол эле учурда тазаланган күн карама майынын (-1,9%), пияздын (-0,9%), уй этинин (-0,4%) жана кой этинин (-0,1%) баасы төмөндөдү. Башка азык-түлүк товарларынын баасы апта ичинде өзгөрүүсүз калды.
Салыштыруу үчүн Казакстанда баанын эң олуттуу өсүшү пиязда (+3,1%), ал эми Орусияда шекерде (+1,3%) байкалган. Ошол эле учурда, эки өлкөдө, ошондой эле Кыргызстанда айрым товар топторунун анын ичинде картошка, жашылчалар, эт жана сүт азыктарынын бааларынын өзгөрүшү байкалууда.
Эске салсак, буга чейин кабарлангандай, Жакынкы Чыгыштагы согуш жана климаттык өзгөрүүлөрдөн улам жыл аягына чейин дүйнөдө азык-түлүк баалары олуттуу жогорулашы мүмкүн, ал эми баалардын өсүшү боюнча эң жогорку чек 2027-жылы күтүлүүдө.
Кыргызстанда 2026-жылдын башынан бери керектөө баалары жана тарифтер 5,5%га жогорулады.
Комментарийлер
Азырынча комментарий жок
Комментарий калтырган биринчи болуңуз!
Комментарий калтыруу үчүн авторизациядан өтүңүз керек.