Сак болуңуздар: алдамчылар MBANKтын атын жамынып — «пикир үчүн 500 сом» убада кылган видеолорду таркатышууда

MBANK расмий түрдө билдирет: банк пикир үчүн эч кандай акча төлөгөн акцияларды өткөрбөйт.

«Бул — алдамчылык. Шектүү шилтемелерге кирбеңиздер жана жеке маалыматтарды киргизбеңиздер. Бардык расмий сунуштар жана акциялар банктың расмий сайтында жана расмий аятчаларында гана жарыяланат», — деп билдирди банктын басма сөз кызматы.

Мындай алдамчылык ыкмалары көп кездешет. Шылуундар көп учурда эл тааныган бренддерди жана адамдарды колдонуп, ишеним жаратканга аракет кылышат.

Эсиңизде болсун!

• Бир гана расмий булактарга ишениңиз.
• Бейтааныш адамдарга акча жөнөтпөңүз.
• «Тобокелсиз киреше» дегенге ишенбеңиз.
• CVVкодуңузду жана сыр сөздөрүңүздү эч кимге айтпаңыз.
• Шектүү шилтемелерге кирбеңиз.

MBANK бардык жарандарды сак болууга жана маалыматты расмий сайттан текшерип турууга чакырат: www.mbank.kg