Айлыктардын жогорулашы менен кайсы адистер көбүрөөк айлык ала башташты?

Улуттук статистикалык комитеттин маалыматы боюнча, 2024-жылдын ушул мезгилине салыштырмалуу көрсөткүч 19,2%га өскөн.

Керектөө бааларынын индексин эсепке алуу менен, отчеттук мезгилде реалдуу эмгек акы 10,4%га өстү, бул үй чарбаларынын кирешелеринин оң динамикасынын сакталышын көрсөтүүдө.

Статистикалык маалыматтарда белгиленгендей, 2025-жылдын январь-октябрь айларында экономиканын бардык тармактары боюнча орточо айлык номиналдык чегерилген эмгек акынын өсүү темпинин тездеши катталган.

Эмгек акынын өсүүсү боюнча лидерлер

Эмгек акынын эң олуттуу жогорулашы төмөнкү тармактарда байкалган:

• Кыймылсыз мүлк менен операциялар – 33,9%га;
• Курулуш – 32,4%га;
• Кесиптик, илимий жана техникалык ишмердүүлүк – 29,8%га;
• Административдик жана жардамчы ишмердүүлүк – 29,6%га;
• Мамлекеттик башкаруу, коргонуу жана милдеттүү социалдык камсыздоо — 29,1%га;
• Саламаттыкты сактоо жана социалдык тейлөө — 24,5%га;
• Электр энергиясы, газ, буу жана кондициялоо — 22,5 процентке;
• Мейманканалар жана ресторандар — 22,1%га;
• Кызмат көрсөтүүнүн башка түрлөрү – 20,7%га;
• Транспорттук иш жана жүктөрдү сактоо – 18%га.

Экономиканын негизги тармактарында эмгек акынын өсүшү өлкөдө ишкердик активдүүлүктүн жанданышын жана иш менен камсыз кылуунун кеңейгендигин көрсөтүп турат.

Эскерте кетсек, 2025-жылдын январь-сентябрь айларында бир кызматкердин орточо айлык номиналдык эмгек акысы (чакан ишканаларды эсепке албаганда) 42 757 сомду түзгөн.