Кайрымдуулук көзөмөлдө: жеке картага акча чогултууга тыюу салууну көздөшүүдө

Документтин демилгечиси Жогорку Кеңештин депутаты Улукбек Карыбек уулу болду. 

Долбоорго ылайык, жеке банктык карталарга кайрымдуулук чогултууга уруксат берилбейт. Анын ордуна, каражаттардын агымына көзөмөл жүргүзүүгө мүмкүндүк берүүчү атайын максаттуу эсептерди колдонуу сунушталууда.

Мындан тышкары, мыйзам долбоору төмөнкүлөрдү карайт:

• онлайн-краудфандингди мыйзамдаштыруу;
• кайрымдуулук фонддордун отчетун мамлекеттик портал аркылуу санариптештирүү;
• фонддордун жол берилген административдик чыгымдарын 2%дан 15%ке чейин көбөйтүү;
• кайрымдуулукка жамынган алдамчылык үчүн жазаны катаалдатуу.

Документте учурдагы мыйзам 1999-жылы кабыл алынганы жана акча чогултуунун заманбап онлайн ыкмаларын эске албаганы белгиленген. Алардын айтымында, көзөмөлдүн жоктугу шылуундарга оор дартка чалдыккан балдар тууралуу окуяларды пайдаланып, мыйзамсыз түрдө кайрымдуулук кылууга мүмкүнчүлүк берет.

Жаңы эрежелер кайрымдуулук жыйымдарын ачык-айкын кылып, жарандарды алдамчылардан коргоого жардам берет деп күтүлүүдө.