Бажы алымысыз ташып келүү квотасы түгөндү: Эми Кыргызстанда электромобилдер кымбаттайт

Бул тууралуу бажы кызматынан билдиришти. 

Алгач өлкөгө 15 миң электромобилди бажы төлөмүсүз импорттоого уруксат берилген. Бул лимит түгөнгөндөн кийин, Евразия экономикалык комиссиясы кошумча 10 миң унаага квота бөлгөн. Бул кошумча квота да толугу менен пайдаланылды.

Ошентип, 2026-жылы Кыргызстанга жалпысынан 25 миң электромобиль бажы алымысыз алынып келиниши мүмкүн.

Эми мындан ары ташылып келине турган унаалар үчүн анын бажылык наркынын негизинде 15% өлчөмүндөгү бажы алымы төлөнүшү керек болот.

23-сентябрга карата, болгону 94 квота калган болчу.

Салыштыруу үчүн айтсак, 2025-жылга карата квота 10 миң электромобилди түзгөн. Өткөн жылдын 4-сентябрына карата Кыргызстанга 8 558 унаа алынып келинген, демек, белгиленген чектин 85%дан ашыгы пайдаланылган.

Ошентип, бажы төлөмүнөн бошотулган квота бир жыл ичинде 2,5 эсеге 10 миңден 25 миң электр унаасына чейин көбөйгөн.

Буга чейин Banks.kg порталы электромобилдерди алып кирүүдө жеңилдикти кантип алса болору тууралуу жазып чыккан.