Кыргызстанда керектөө баалары 11 айда 8,3 пайызга өстү

Бул тууралуу Улуттук статистикалык комитеттен бирифинг учурунда билдиришти.

Төмөнкү категориялар жалпы өсүүгө эң көп салым кошкон:

• тамак-аш азыктарына жана алкоголсуз суусундуктарга – 8,9 %га; 
• алкоголдук ичимдиктерге жана тамекиге – 7,9 %га; 
• азык-түлүк эмес азыктарга – 7 %га; 
• калкка көрсөтүлүүчү кызмат көрсөтүүлөрдүн тарифтери – 9,1%га  жогорулаган.

Керектөө бааларынын өсүшү өлкөнүн бардык аймактарында байкалган. Эң олуттуу өзгөрүүлөр төмөнкүдө катталган:

• Ош шаарында баалардын жалпы өсүшү 10,7%ды түздү, бул негизинен азык-түлүктөн башка товарлардын баасынын 10,7%га өсүшүнөн улам;
• Чүй облусунда тамак-аш азыктарына жана алкоголсуз суусундуктарга баа эң көп өскөн – 12%га;
• Ысык-Көл облусунда алкоголдук ичимдиктер жана тамеки 14,2%га кымбаттаган;
• Талас облусунда кызмат көрсөтүүлөргө тарифтердин максималдуу өсүшү белгиленген – 10,6%га.

Үстүбүздөгү жылдын январь-ноябрь айларында керектөө бааларынын жана тарифтердин жогорулашы мурунку жылдын декабрына салыштырмалуу республиканын бардык аймактарында байкалды.

Эске сала кетсек, 2025-жылдын январь-октябрында өткөн жылдын декабрына салыштырмалуу республика боюнча жалпысынан керектөө бааларынын жана тарифтеринин өсүшү 7,1%ды түзгөн.