Кыргызстанда сууларды маркалоо бюджетке 2,8 млрд сом алып келди

Мамлекеттик салык кызматы 2026-жылдын январь–март айларында таңгакталган сууларга 42,7 млн эсептик-контролдук марка берди. Маркаланган продукциянын жалпы көлөмү 95,2 млн литрди түздү.

Импорттоочулардан бюджетке 2,8 млрд сом салык түштү, бул 2025-жылдын ушул мезгилине салыштырмалуу 60,1%га көп.

Таңгакталган сууну маркалоо 2026-жылдын 1-январынан тарта киргизилген. Калдыктарды маркасы жок 1-июлга чейин сатууга уруксат.

Мыйзам бузууда, тагыраагы маркасы жок продукцияны сатууда 100 миң сом өлчөмүндө айып пул жана кылмыш жоопкерчилиги каралган.

Ошол эле учурда соцтармактарда баанын өсүшү талкууга түштү: колдонуучулар айрым дүкөндөрдө 0,5 литр суу 70 сомго чейин жеткенине  даттанып жатышат.