Жаңы жыл бөлүп төлөө менен: майрамды кантип ашыкча чыгым кылбай өткөрүү керек

Декабрь — каржылык жактан алганда кыйынчылык алып келген ай десек жаңылышпайбыз. Анткени бул айда көнүмүш чыгашалардан сырткары жакындарга жана туугандарга белек берүү, ошондой эле пландалган жана пландалбаган майрамдык иш-чараларга да каражат кетет. Мунун бардыгы  кандайдыр бир каржылык колдоо алууга түрткү болот. Мындай учурда белектерди бөлүп төлөө жолу аркылуу алуу туура чечим болот.     

Бөлүп төлөө жолу менен тиричилик техникасын, электроника, эмерек сатып алуу, кызматтар үчүн төлөө, саякат, жада калса Жаңы жылдык иш-чаралар үчүн да колдонууга болот. Бирок, бөлүп төлөө - бекер акча эмес экенин эстен чыгарбоо керек, ал жаңы жылга карата каржылык милдеттенме.

Кыргызстанда коммерциялык банктар нөл пайыздык чен менен классикалык бөлүп төлөө пландарынан баштап, комиссиялык жана чектелген мөөнөттүү пландарга чейин ар кандай бөлүп төлөө пландарын сунуштайт. Шарттар олуттуу түрдө айырмаланышы мүмкүн: анын ичинде төлөө шарттары, баштапкы төлөмдөр, карыз алуучуга талаптар жана жашыруун алымдар. Кол коюудан мурун келишимди кылдаттык менен карап чыгып, консультантка түз суроолорду берүү маанилүү: өз убагында төлөбөгөн учурда айыптар каралганбы, карызды эрте төлөөгө болобу жана төлөм кечиксе эмне болот сыяктуу суроолор.

0% бөлүп төлөө планы

«Бакай Банк» өнөктөш-дүкөндөр аркылуу пайызсыз «Бөлүп төлөө 0%» насыясын сунуштайт. Өнөктөштөр арасына - электроника, техника, компьютер, уюлдук телефон, эмерек, зергер буюм, курулуш материалдары, терезе жана туристтик агенттиктерди саткан дүкөндөр кирет. Насыя 5 000 сомдон 500 миң сомго чейин эки жылга чейинки мөөнөткө берилет. Төлөм бирдей ай сайын төлөнөт.

O!Bank O!Market аркылуу бөлүп төлөөнү сунуштайт. Суммасы 5 000 сомдон 300 000 сомго чейинки насыялар баштапкы төлөмсүз берилет жана кардар биринчи төлөм күнүн өзү тандайт. Мөөнөтү - бир жылга чейин, төлөмдөр ыңгайлуу график боюнча бирдей үлүштөр менен жүргүзүлөт.

«Оптима Банк»  «Pay,Da»  программасы аркылуу өнөктөш дүкөндөрдөн товар сатып алууга мүмкүндүк берет. 50 000 сомго чейин бөлүп төлөө бир айдан үч айга чейин, комиссия каралган эмес.

Банктын дагы бир өнүмү — «Тез бөлүп төлөө», товарларды 12 айга чейин 300 000 сомго чейин пайызсыз сатып алууга мүмкүнчүлүк берет. Сатып алынган товарлар кредит үчүн күрөө катары кызмат кылат.

«Айыл Банк» өнөктөштөрдүн кеңири тармагынан алдын ала төлөмсүз күнүмдүк сатып алууларды жүргүзүүгө мүмкүндүк берүүчү «ZERO – бөлүп төлөө 0%» өнүмүн сунуштайт. Насыянын суммасы 200 000 сомго чейин эки жылга чейинки мөөнөткө берилет. Төлөм сатып алуу алынгандан кийинки айдын экинчи күнүндө жүргүзүлөт.

«Компаньон Банкы» тиричилик техникасын, эмеректерди, уюлдук телефондорду жана электроника сатып алуу үчүн «Бөлүп төлөө 0%» планын сунуштайт. Медицина, билим берүү жана саякат кызматтары үчүн төлөмдөр да бар. Насыянын суммасы - 2000 сомдон 200 000 сомго чейин 3 айдан 18 айга чейин. Накталай акча алуу үчүн комиссиялар банктын тарифтерине ылайык алынат.

«Азия Банкы» керектүү кымбат буюмду жеңилдетилген шарттарда — бөлүп төлөө менен сатып алууга мүмкүндүк берет. Жеткиликтүү суммалар бир жылга чейин 3000 сомдон 150 000 сомго чейин.

«Бай-Түшүм» Банкы жылдык 0% үстөк менен 5000 сомдон 50000 сомго чейин бөлүп төлөө планын сунуштайт. Накталай акча алуу же эсепке салуу боюнча комиссиялар кредиттин мөөнөтүнө жараша 4%дан 16%га чейин.

Пайыз менен бөлүп төлөө

«ЭкоИсламикБанк» жеке жактарга жана ишкерлерге керектөөчү каржылоону эки жылга чейинки мөөнөткө жылдык 8%дан баштап бөлүп төлөө менен товарларды сатып алууну сунуштайт. Сумма - 3000 сомдон 250 000 сомго чейин.

MBANK товарларды сатып алуу үчүн исламдын  «Мурабаха» принцибинин негизинде каржылоону камсыздайт. Пайыздык чендер жылдык 9,45%дан башталат, насыянын суммасы - 21 миллион сомго чейин, мөөнөтү - 120 айга чейин.

Башка нерселер үчүн бөлүп төлөө

Бөлүп төлөө жолу менен сиз техниканы жана эмеректи сатып алсаңыз болот. Кээ бир банктар май куюучу жайлардан күйүүчү май сатып алуу («Компаньон Банкы») жана курулуш материалдарын («ЭкоИсламикБанк») сатып алуу үчүн атайын программаларды сунушташат.

Жыйынтыгында кеңеш

Бөлүп төлөө жолу менен төлөмдөр туура жумшалса, пайдалуу курал боло алат. Жаңы жыл алдында шашылыш маалда импульсивдүү сатып алууларга берилип кетүү оңой, андыктан мындай учурда бюджетиңизге реалдуу мамиле кылуу өзгөчө маанилүү. Кээде белектердин тизмесин кыскартуу же сатып алууларыңыздын айрымдарын январь айына жылдыруу туура чечим болот.