«Банк Компаньон» менен Minu Payment Solutions стратегиялык өнөктөштүк боюнча келишимге кол коюшту

Minu Payment Solutions - бул жаңы муундагы төлөм чечимдерин сунуштаган санарип төлөмдөр тармагындагы лидер. Компания POS-терминалдар, QR-төлөмдөр, виртуалдык карталар жана бизнес үчүн комплекстүү системаларды иштеп чыгат. Minu менен өнөктөштүк Кыргызстандын банк секторуна инновациялык технологияларды алып келүүгө кеңири мүмкүнчүлүк түзөт.

«Бүгүн биз тарыхый окуянын күбөсү болуп жатабыз», - деп белгиледи Маргарита Черикбаева, ЗАО Банк Компаньондун башкармалыгынын төрайымы.

«Minu менен кызматташуу бизге төлөм процессин оптималдаштырууга жана кардарлар үчүн сервистин сапатын жаңы деңгээлге чыгарууга жол ачат. Бул өнөктөштүк эки тараптын тең рыноктогу позициясын бекемдеп, жеткиликтүү жана инновациялык финансы чечимдерин өнүктүрүүгө өбөлгө болот деп ишенебиз».

«Банк Компаньон» заманбап бизнеске ылайыкталган технологиялык чечимдерди сунуштап, ишенимдүү өнөктөш катары өз позициясын мындан ары да бекемдөөнү улантууда.

«Биз технологияларыбызды Кыргызстанга алып келип, «Банк Компаньон» менен кызматташып жатканыбызга кубанычтабыз», - деди Бодьгэрэл Бат-Орших, Minu Payment Solutions компаниясынын башкы директорунун орун басары. «Биздин чечимдер бизнеске операцияларды оптималдаштырууга, натыйжалуулугун жогорулатууга жана санарип экономикада өсүүгө жардам берет».

Өнөктөштүктүн алкагында «Банк Компаньон» бизнес үчүн санарип кызматтардын түрүн кеңейтүүнү пландаштырууда. Анын негизги багыттарынын бири эквайринг (POS-терминал жана QR-код аркылуу нактасыз төлөмдөрдү кабыл алуу) кызматын өнүктүрүү болот.

«Бул жөн гана кызмат кеңейтүү эмес - бул Улуу Британия менен Борбор Азияны санариптик көпүрө аркылуу бириктирүү», - деп кошумчалады Тугстугулдур Баасансурэн, Mongol iD компаниясынын стратегия боюнча директору.

Бул кызматтар өзгөчө чакан жана орто бизнестин өнүгүүсү үчүн маанилүү. Кардарларга ыңгайлуу төлөм мүмкүнчүлүктөрүн сунуштоо - бүгүнкү күндүн талабы.

Банк Компаньондун POS-терминалдарынын артыкчылыктары:

• Банкка барбастан туташуу;
• Встроенный ККМ (кассалык машина);
• Visa Business акысыз картасы;
• 24/7 техникалык колдоо.

«Банк Компаньон» кардарларга жабдууну эле эмес, толук колдоо жана өнүгүү системасын сунуштайт. Биздин адистер эсеп ачып, карта берип, жабдууну орнотуп, кызматкерлерди үйрөтүп беришет.

Өтүнмө берүү болгону бир нече мүнөт талап кылат - сайт аркылуу же кыска номер менен: 88 00 (WhatsApp да жеткиликтүү: +996 770 33 88 00).

«Банк Компаньон» - жеке кардарлар, ишкерлер жана корпоративдик сектор үчүн заманбап банктын кызматтарын сунуштаган Кыргызстандагы алдыңкы финансы мекемелеринин бири.

Банктын өлкө боюнча 107 тейлөө борбору, жана алыскы аймактарда каржылык жеткиликтүүлүктү камсыз кылган 3500дөн ашык агенттик түйүнү бар.

Банк Компаньондун мобилдик тиркемеси Кыргызстандагы эң популярдуу финансы колдонмолорунун бири болуп саналат - бул колдонуучулардын жогорку ишенимин жана Банктын санариптик өнүгүүгө берилгендигин далилдейт.

Банк чакан жана орто бизнести колдоп, социалдык жана экологиялык демилгелерди ишке ашырып келет. Ал - баалуулуктарга негизделген банк системасын колдогон Глобалдык альянска кошулган өлкөдөгү биринчи банк.