ПТБМ ишке ашырыла баштагандан бери ишкерлерге 1,6 миллиард сомдон ашык суммага 4419 кепилдик берилген

2022-жылдын башынан тартып жана ушул жылдын 1-апрелине карата «Микро, чакан жана орто ишканаларды өзгөчө колдоо» Долбоорунун №2 «Портфелдик тобокелдиктерди бөлүштүрүү механизми» (ПТБМ) компонентинин алкагында Кепилдик фонд ишкерлерге 1,6 млрд сомдон ашык суммага 4419 портфелдик кепилдиктерди берген. Өнөктөш банктар ишкерлерге 3,5 миллиард сомдон ашык насыя беришти.

Бүгүнкү күндө ПТБМнын алкагында Кепилдик фонд өнөктөш банктар менен кызматташуу боюнча сегиз келишимге кол койду. Макулдашуулар портфелдик кредиттик кепилдикти берүүнүн тартибин жана шарттарын аныктоого багытталган. Портфелдик тобокелдикти бөлүштүрүү механизми финансы-кредиттик мекемелерге кредиттин кайтарылбай калуу тобокелдигин азайтууга мүмкүндүк берет жана кредиттик процедураларды жумшартат.