Февралда Кыргызстанга келген акча которуулардын агымы чыгып кеткен акча агымынан 12 эсеге ашты

2026-жылдын февраль айында жеке адамдардын чек ара аркылуу акча которууларынын агылып келүүсү чыгып кетүүдөн 205,3 млн АКШ долларына ашты. Бул тууралуу финансылык жөнгө салуучу органдын статистикалык маалыматында айтылат. 

Акча которуулардын агылып келүүсү

Февраль айында Кыргызстанга келген акча каражаттарынын агымы 224,2 млн АКШ долларын түздү. 

Анын ичинен - КМШ өлкөлөрүнөн 208,2 млн доллар: 

• Казакстандан - 5,9 млн доллар; 
• Орусиядан - 200,8 млн доллар; 
• башка өлкөлөрдөн - 1,5 млн доллар.

Алыскы чет өлкөлөрдөн - 16 млн доллар: 

• АКШдан - 12,4 млн доллар; 
• Түркиядан - 0,5 млн доллар; 
• башка өлкөлөрдөн - 3,1 млн доллар.

Кыргызстанга келген акча каражаттарынын негизги агымы мурдагыдай эле Орусияга туура келет. Алардын олуттуу бөлүгү - эмгек мигранттарынын которуулары, алар мекениндеги үй-бүлөлөрүн керектүү жашоо минимуму менен камсыздайт.

Акча которуулардын доллардагы эквиваленти КР УБтын операция өткөрүлгөн күндөгү расмий курсу боюнча эсептелип чыккан.

Акча которуулардын агылып чыгышы

Февраль айында Кыргызстандан акча которуунун агымы 18,9 миллион долларды түздү. Анын ичинен: 

КМШ өлкөлөрүнө - 17,2 миллион доллар: 

• Казакстанга - 0,1 миллион доллар; 
• Орусияга - 16,9 миллион доллар; 
• башка өлкөлөргө - 0,2 миллион доллар.

Алыскы чет өлкөлөргө - 1,7 миллион доллар: 

• АКШга - 0,1 миллион доллар; 
• Түркияга - 1,3 миллион доллар; 
• башка өлкөлөргө -  0,2 миллион доллар.

«2025-жылы акча которуу системалары, банктык мобилдик тиркемелери жана электрондук капчыктар аркылуу акча которуулардын таза агымы 2024-жылга салыштырмалуу 22,6 пайызга өстү жана 3,1 млрд АКШ долларын түздү. Өлкөгө которуулардын дүң агымы 3,5 млрд АКШ долларын түзүп, бул өткөн жылга салыштырмалуу 16,8 пайызга жогору көрсөткүчтө болду. Акча которуулардын жалпы көлөмүнүн 90 пайыздан ашыгы Россия Федерациясына туура келет. Мисалы, АКШнын үлүшү 3,1 пайызды түздү. Мындай аз үлүш Россия Федерациясына салыштырмалуу эмгек мигранттарынын аздыгы, акча которууларды жөнөтүүнүн кымбаттыгына, жашоого кеткен учурдагы олуттуу чыгымдар же мигранттар ал жакка үй-бүлөлөрү менен узак мөөнөткө же түбөлүккө кетип жаткандыгы жана өз туулган өлкөсүндө акча жөнөтө турган эч кимиси калбагандыгы менен түшүндүрүлүшү мүмкүн. Ошол эле учурда географиялык жактан алганда башка өлкөлөрдүн үлүшү анча көп эмес бойдон калууда», - деп буга чейин КРнын Улуттук банкы билдирген.

2025-жылы Кыргызстандан жөнөтүлгөн акча которуулардын жалпы суммасы 0,4 миллиард АКШ долларын түздү, бул 2024-жылдын жыйынтыгына салыштырмалуу 16,2% аз.

Маалымат үчүн:

2022-жылдан баштап статистикалык маалыматтар акча которуу системаларынан тышкары төлөм инструменттерин колдонуу менен жүзөгө ашырылган жеке адамдардын эл аралык акча которуулары менен толукталган. Ал эми булагы катары коммерциялык банктардын мезгил-мезгил менен берилүүчү регулятивдик банктын отчету саналат.

Жеке адамдардын эл аралык акча которуулары төмөнкүлөр аркылуу жүзөгө ашырылат:

• акча которуу системалары;
• банктык мобилдик тиркемелер;
• электрондук капчыктар;   
• «Кыргызпочтасы» ишканасы аркылуу.