Август айында Кыргызстанга акча которуулардын агымы 269,6 млн долларды түздү

Август айында жеке адамдардын чек ара аралык акча которууларынын Кыргызстанга агымы өлкөдөн чыгып кеткен каражаттардын агымынан 260,8 млн АКШ долларына ашты. Бул тууралуу финансылык жөнгө салуучу органдын статистикалык маалыматтарында айтылат.

Акча которуулардын агымы

Август айында Кыргызстанга түшкөн акча каражаттарынын көлөмү 269,6 млн АКШ долларын түздү. Анын ичинен:

КМШ өлкөлөрүнөн - 240,9 млн доллар:

• Казакстандан - 0,2 млн доллар;
• Орусиядан - 239,2 млн доллар;
• башка өлкөлөрдөн - 1,5 млн доллар.

Алыскы чет өлкөлөрдөн - 28,7 млн доллар:

• АКШдан - 24,1 млн доллар;
• Түркиядан - 1,8 млн доллар;
• башка өлкөлөрдөн - 2,8 млн доллар.

Көрүнүп тургандай, республикага түшкөн акча каражаттарынын негизги бөлүгү Орусиядан келген акча которууларга туура келет. Алардын олуттуу бөлүгүн эмгек мигранттарынын которуулары түзөт.

Ошол эле учурда август айында АКШдан келген акча которуулардын агымы кескин өсүп, 24,1 млн долларды түздү. Ал эми июнь жана июль айларында бул көрсөткүч тиешелүүлүгүнө жараша 16,5 млн долларды жана 12,1 млн долларды түзгөн.

Акча которуулардын өлкөдөн чыгып кетиши

Август айында Кыргызстандан чыгып кеткен акча которуулардын көлөмү 8,7 млн долларды түздү. Анын ичинен:

КМШ өлкөлөрүнө - 3,2 млн доллар:

• Орусияга - 2,9 млн доллар;
• башка өлкөлөргө - 0,3 млн доллар.

Алыскы чет өлкөлөргө - 5,5 млн доллар:

• АКШга - 1,4 млн доллар;
• Түркияга - 2,8 млн доллар;
• башка өлкөлөргө - 1,3 млн доллар.

2026-жылы август айында Кыргызстандан алыскы чет өлкөлөргө акча которуулардын чыгып кетиши рекорддук деңгээлге жетип, 5,5 млн долларды түздү. Ал эми июнь жана июль айларында бул көрсөткүч тиешелүүлүгүнө жараша 1,9 млн долларды жана 2,6 млн долларды түзгөн.

Маалымат үчүн:

Акча которуулардын долларлык эквиваленти операция жүргүзүлгөн күнгө карата КРнын Улуттук банкынын эсептик курсу боюнча эсептелген.

2022-жылдан тартып статистикалык маалыматтарга акча которуу системаларынан айырмаланган башка төлөм инструменттерин колдонуу менен жүргүзүлгөн жеке адамдардын эл аралык акча которуулары да кошулган. Акча которуулар боюнча статистиканын булагы - Кыргызстандын коммерциялык банктарынын отчеттору. 

Жеке адамдардын чек аралык акча которуулары - бул жеке адамдар тарабынан төмөнкү каражаттарды колдонуу менен жүргүзүлгөн эл аралык акча которуулар:

• акча которуу системалары;
• банктардын мобилдик тиркемелери;
• электрондук капчыктар;
• «Кыргыз почтасы» мамлекеттик ишканасы аркылуу которуулар.