Бул тууралуу Улуттук статистика комитетинен билдиришти.
Эмгек министрлигинин маалыматы боюнча, 2025-жылдын 1-октябрына карата иш менен камсыз кылуу кызматынын мамлекеттик органдарында каттоодо турган жумушсуздардын саны 61,5 миң адамды түздү, бул өткөн жылга салыштырмалуу 20,9%га аз.
Анын ичинен - 42,7 миң адам жумушсуз деп катталган, бул өткөн жылдын ушул күнүнө салыштырмалуу 24,5%га аз.
2025-жылдын 1-октябрына карата аймактык көрсөткүчтөр:
- Кыргыз Республикасы — 42 717 адам (өткөн жылдын деңгээлинен 75,5%, ал эми өткөн айга 96,7%);
- Баткен облусу — 6 403 адам (65,8%; 96,7%);
- Жалал-Абад облусу — 10 696 адам (77,0%; 94,2%);
- Ысык-Көл облусу — 2 054 адам (81,5%; 96,8%);
- Нарын облусу — 1 478 адам (81,2%; 98,8%);
- Ош облусу — 11 606 адам (74,6%; 99,1%);
- Талас облусу — 2 389 адам (87,6%; 95,9%);
- Чүй облусу — 1 688 адам (61,1%; 98,9%);
- Бишкек шаары — 3 325 адам (71,5%; 94,1%);
- Ош шаары — 3 079 адам (106,3%; 99,2%).
Катталган жумушсуздардын жалпы санынын 46,4%ын аялдар түзөт. Жалпы жумушчу күчүндө катталган жумушсуздуктун деңгээли 1,5%ды түздү.