Кыргызстандыктардын топтомо пенсиясы январь-август айларында кайда инвестицияланды

Ведомствонун маалыматына ылайык, анын ичинен 11,49 млрд сом мамлекеттик баалуу кагаздарга багытталды. Алар боюнча кирешелүүлүк жылдык 12,86%дан 16%га чейин түздү.

Дагы 3,57 млрд сом коммерциялык банктардын 12 жана 18 айлык мөөнөттүү депозиттерине жайгаштырылды. Депозиттер боюнча кирешелүүлүк жылдык 11,3%дан 14,3%га чейин болду.

Муну менен катар мурда инвестицияланган каражаттардан түшкөн киреше сегиз айда 5,05 млрд сомду түздү. Анын ичинде:

• жайгаштырылган мамлекеттик баалуу кагаздар боюнча кирешелер – 4, 35 млн.сом;
• депозиттер боюнча пайыздык кирешелер – 501,8 млн.сом;
• ААКтардын акциялары боюнча дивиденддер – 185,9 млн.сом;
• МТПФнын эсептериндеги акча каражаттарынын күнүмдүк калдыктарына чегерилген пайыздардан түшкөн киреше – 13,2 млн.сом.

Бардыгы болуп 2026-жылдын январь-август айларында Мамлекеттик топтомо пенсиялык фондунун каражаттарын инвестициялоодон 5 млрд сом киреше алынган.