Кепилдик фонд аялдардын ишкердигин өнүктүрүүгө 3,1 миллиард сомдон ашык каражат бөлдү

Үстүбүздөгү жылдын он айынын жыйынтыгы боюнча Кепилдик фонду тарабынан аялдардын ишкердигин өнүктүрүүгө 1 088 кепилдик берилген, бул бардык берилген кепилдиктердин 40% түзөт. Бул мезгилде аялдардын бизнесин колдоо үчүн берилген кепилдиктердин көлөмү 868 миллион сомдон ашыкты түздү.

«Кепилдик фонд» ААКсы ишмердүүлүгүнүн бүткүл мезгилинде аялдардын ишкердигин өнүктүрүүгө кепилдиктердин үчтөн биринен ашыгы – бизнести колдоого багытталган кепилдиктердин жалпы санынын 38%ы берилген. Жалпысынан «Кепилдик фонд» ААКсы аял ишкерлерди колдоо үчүн 3 миллиард 166 миллион сом суммасында 4071 кепилдик берген.