Салык кодексине өзгөртүүлөр киргизилди: ишкерлерди эмнелер күтөт

Экономика жана коммерция министрлигинен билдиришкендей, мыйзам долбоору ишкердикти колдоо жана экономиканы чыңдоо максатында президенттин жарлыктарында белгиленген стратегиялык милдеттерди ишке ашыруунун алкагында иштелип чыккан.

Негизги өзгөрүүлөр:

• 2022-жылдын 1-январына чейинки салык карызын эсептен чыгаруу;
• Айыл чарба малдары менен экспорттук операциялар боюнча 80% карыз жана 100% туум жана айып эсептен чыгарылат;
• 0,5 % өлчөмүндөгү чен менен иштеген соода субъекттери үчүн жылдык кирешенин босогосун 30 млн сомдон 50 млн сомго чейин көбөйтүү;
• Зергер буюмдарын өндүрүүчүлөр жана сатуучулар үчүн 0,25% өлчөмүндөгү ставканы белгилөө;
• Соода иши менен алектенген жеке ишкерлер үчүн патенттик салык салуу системасын киргизүү;
• Салыктык карызы бар салык жарандардын чет өлкөгө чыгуу жол-жобосун жөнөкөйлөтүү;
• 2025-жылдын 1-январына чейинки мезгилдеги транспорт каражаттарына төлөнүүчү мүлк салыгы боюнча;
• Айыл чарба жерлерине 0% ставкасын 2030-жылга чейин узартуу;
• 2022-жылдын 1-январына чейинки мезгилге салыктык текшерүүлөрдү жүргүзүүгө тыюу салуу 

Көрүлгөн чаралар бизнес-климатты жакшыртууга, ишкердикти колдоого жана салык жүгүн өлкөнүн экономикасына тийгизген таасирин жеңилдетүүгө багытталган.